Urmiyənin millət vəkili təhsil nazirini müqəvva adlandırıb

SON XƏBƏRLƏR

Urmiyənin millət vəkili təhsil nazirini müqəvva adlandırıb

2021.10.20, 07:36

Gunaz.tv

GünAz TV: Urmiyənin İran parlamentindəki millət vəkili Nadir Qazipur Amuzeş kanalı ilə danışığında İranın təhsil nazirini kəskin tənqid edib.

Naziri fəaliyyətsizlikdə günahlandıran millət vəkili onu müqəvvaya oxşadıb. O bildirib ki, nazir iş görmək deyil, talançılıq barədə fikirləşir.

N.Qazipur söhbətinin digər hissəsində özünü təkcə Azərbaycan əhalisi deyil, həm də islamın və İran coğrafiyasında yaşayan bütün türklər, o cümlədən qaşqaylar, türkmənlər, həmçinin İsfahan, Şimali Xorasan,Həmədan, Gilan, Mazəndəran və s. kimi məntəqələrdə yaşayan türklərin tərəfdarı olduğunu vurğulayıb.

https://www.youtube.com/watch?time_continue=12&v=lxI5wuyoNHs

Təhsil Nazirliyinin iflic vəziyyətə olduğunu iddia edən millət vəkili 6-18 yaş arası uşaq və yeniyetmələrin təhsildən kənarda qalması, təhsil sahəsinin ağır vəziyyətdə olması, müəllimlərin maaşlarının ödənilməməsi və s. kimi problemlərlə bağlı naziri günahlandırıb.

N.Qazipur bundan öncə də hökumətin ən yüklsək rütbəli rəsmilərini dəfələrlə sərt şəkildə tənqid edib. Onun bu cəsarətli hərəkəti azərbaycanlı sosial şəbəkələrin istifadəçiləri tərəfindən böyük rəğbətlə qarşılanır.

N.S

GUNAZ.TV

SON XƏBƏRLƏR