Contact Us

SON XƏBƏRLƏR

Ruhaninin köməkçisi: “İndiki vəziyyət belə davam etsə, daha böyük təhlükələrlə üzləşəcəyik”

2021.10.20, 07:36
Ruhaninin köməkçisi: “İndiki vəziyyət belə davam etsə, daha böyük təhlükələrlə üzləşəcəyik”

Gunaz.tv

GünAzTV: İran prezidentinin iqtisadi məsələlər üzrə köməkçisi Məsud Nili, martın 14-də jurnalistlərə açıqlamasında ölkənin fəlakət içində olan, acınacaqlı iqtisadi durumundan, xalqın rejimdən narazılığından və qarşıdan gələn aylarda hakimiyyəti gözləyən təhlükələrdən danışıb.

 

Son aylar,  ölkənin 101 şəhərində rejimə qarşı baş verən kütləvi xalq etirazlarının gələcəkdə daha kəskin şəkildə yenidən baş qaldıracağı barədə xəbərdarlıq edən Məsud Nili deyib ki, nə qədər ki, gec deyil, ölkədə islahatlara başlamaq lazımdır: “Hesab edirəm ki, indiki həssas şəraitdə, ölkənin əsas və ən mühüm prioriteti, əhali arasında ümid və ictimai sərmayəni bərpa etməkdir. Çünki, xalqın etimadını cəlb etmədən iqtisadi islahatlara başlamaq və onu davam etdirmək təhlükəlidir.

 

İki ay yarım əvvəl ölkənin müxtəlif şəhərlərində baş verən etirazlar, həmin etirazların gələcəkdə daha kəskin və daha geniş miqyasda keçiriləcəyi barədə bir xəbərdarlıq idi. Buna laqeyd qalmaq olmaz. Çünki, növbəti dəfə bütün fürsətlər əldən gedə bilər. Düşünürəm ki, biz müxtəlif sahələrdə, o cümlədən də iqtisadi sahədə bir sıra islahatlara başlamalıq. Yox, əgər hazırkı siyasətimizlə irəli getsək və İndiki vəziyyət belə davam etsə, biz daha böyük təhlükələrlə üzləşəcəyik”.

 

Xatırladaq ki, iki ay yarım əvvəl İranın 101 şəhərində hakimiyyətə və onun dini lideri, axund Əli Xamneyiyə qarşı kütləvi xalq etirazları keçirilib. Çökmüş və çürümüş hakim rejimin iflasa uğramış iqtisadi, daxili və xarici siyasətinə, yoxsulluğa və repressiyalara qarşı keçirilən etirazlarda, Xamneyiyə və prezident Həsən Ruhaniyə  “ölüm” şüarları səsləndirilib, onların hakimiyyətdən getməsi tələb olunub.

 

 

Etirazlarda, ən azı 25 nəfər rejim qüvvələri tərəfindən öldürülüb, onlarla aksiyaçı yaralanıb, 5000-ə yaxın insan həbs edilib. Tutulanlardan isə ən azı 13 nəfəri, İranın müxtəlif şəhərlərinin zindanlarında dindirilərkən işgəncələr altında öldürülüb. Rejimə qarşı pərakəndə etirazlar davam edir.

 

A.M

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar