Cahangiri: “İran Yaxın Şərqin ən azad ölkəsidir”

SON XƏBƏRLƏR

Cahangiri: “İran Yaxın Şərqin ən azad ölkəsidir”

2021.10.20, 07:36

Gunaz.tv

GünAz TV: İranın vitse-prezidenti İshaq Cahangiri ölkəsinin Yaxın Şərqdə “ən azad” ölkə olduğunu deyib.

O, həmçinin İranda kasıb və varlı təbəqə arasında nisbətin “kəskin olaraq aşağı düşdüyü”nü bildirib.

Cahangirin dediklərinin əksinə olaraq, İranda siyasi və mədəni fəalların tutulduğu barədə xəbərlər ard- arda yayılmaqdadır. Bundan əlavə, insanların şəxsi həyatlarına müdaxilə, internetdən və sosial şəbəkələrdən istifadənin məhdudlaşdırılması, bir çox konsert və filmlərin nümayişinə qoyulan qadağa, senzura və digər bu kimi amillər İran hakimiyyətinin həyata keçirdiyi əsas siyasətlərdəndir.

Cahangiri elədə də İranda kasıb təbəqə ilə varlılar arasında fərqin “kəskin olaraq azaldığı”nı iddia edib: “Bəzi xarici KİV-lər İran xalqının vəziyyətinin keçmişə nisbən pisləşdiyini israrla vurğulayırlar, lakin mən, mötəbər indekslərə əsaslanaraq, deyə bilərəm ki, ölkədə kasıb ilə varlı arasındakı fərq kəskin olaraq aşağı düşüb”- deyə İranın vitse- prezidenti əlavə edib.

Qeyd etmək lazımdır ki, 2018-ci ilin may ayında Amerika Birləşmiş Ştatlarının rəsmi Tehrana qarşı yenidən nüvə sanksiyalarını tətbiq etməsi nəticəsində İranın iqtisadi vəziyyəti kəskin olaraq pisləşib. Sanksiyalardan qısa müddət sonra ölkə valyutasının kəskin ucuzlaşması xaricdən alınan məhsulların dəfələrlə bahalaşmasına səbəb olub. Eləcə də, 2018-ci ilin noyabr ayının sonlarında İranın neft və qaz ixracına qarşı qoyulan embarqodan sonra ölkə gəlirləri kifayət qədər azalıb. Son aylar ərzində isə İranın bir çox bölgələrində işsizlik, iş yerlərinin bağlanması, əmək haqlarının gecikdirilməsi və digər bu kimi sosial problemlər səbəbindən etiraz aksiyaları keçirilib.

Ə.A

GUNAZ.TV

SON XƏBƏRLƏR