Contact Us

SON XƏBƏRLƏR

Ruhulla Əhmədnəjad Ettelaat-ın təcridxanasından zindana köçürülüb

2021.10.20, 07:36
Ruhulla Əhmədnəjad Ettelaat-ın təcridxanasından zindana köçürülüb

Gunaz.tv

Gün Az TV: Güney azərbaycanlı milli-mədəni fəal Ruhulla Əhmədnəjad bir ay Təbriz Ettelaat İdarəsinin təcridxanasında saxlandıqdan sonra bu şəhərin mərkəzi zindanına köçürülüb.

 

Azərbaycanlı fəalın həbsxananın karantin bölümünə intiqal edildiyi bildirilir.

 

R.Əhmədnəjad iyulun 2-də Təbrizdə öz iş yerində mülki geyimli məmurlar tərəfindən saxlanılıb.

 

O saxlanıldıqdan 20 gün sonra ailəsi ilə qısa telefon əlaqəsi saxlayaraq Təbriz Ettelaat İdarəsinin təcridxanasında olduğunu və vəziyyəti barədə məlumat verib.

 

Fəalın ailə üzvlərindən birisi bildirib ki, Ruhulla işgəncə ilə bağlı heç nə bildirməyib, lakin onun səsi və danışıq tonu işgənclər altında saxlandığını göstərirdi.

 

Əldə olunan məlumata görə, fəalın ailəsinə onun barəsində mətbuata danışmasınlar deyə təzyiq edilir.

 

Əhmədnəjad ailəsi səlahiyyətli orqanlara dəfələrlə müraciət edərək Ruhullanın hansı səbəbdən saxlandığını öyrənmək istəyiblər, lakin onlara bu barədə heç bir məlumat verilməyib.

 

Ettelaat əməkdaşları fəalı saxladıqdan sonra onun qardaşı evinə hücum çəkərək məhkəmə hökmü olmadan evdə axtarış aparıblar.

R.Əhmədnəjadın qardaşına aid bir çox kitab, ləptop və yaddaş kartının (flaşka) məmurlar tərəfindən götürüldüyü bildirilir.

 

Qeyd edək ki, son vaxtlar İran rejimi güney azərbaycanlı milli-mədəni fəallara qarşı təzyiqləri artırıb. Bu istiqamətdə çox sayda fəal təhlükəsizlik orqanlarına çağırılıb, saxlanılıb və ya məhkəmə qarşısına çıxarılaraq ağır həbs hökmü ilə üzləşib.

 

N.S

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar