Bir gündə 6 güney azərbaycanlı fəalın məhkəmə iclası keçirilib

SON XƏBƏRLƏR

Bir gündə 6 güney azərbaycanlı fəalın məhkəmə iclası keçirilib

2021.10.20, 07:36

Gunaz.tv

GünAz TV: Cümə axşamı günü 6 güney azərbaycanlı milli-mədəni fəalın Binab (Bin ev) Məhkəməsində mühakimə olunduğu bildirilir.

Məlumata görə, Marağa zindanında saxlanılan Həkimə Əhmədi, Məhərrəm Vəlipur (Xoşnam), Əbülfəz Fəkuri, Əkbər Əzizi, Qulamrza Rəşidi və Məhəmmədrza Qurbaninin məhkəmə iclası avqustun 15-də leçirilib.

Fəalların dosyesi Həkimə Əhmədinin etirazı və keçirdiyi aclıq aksiyasından sonra işə baxan məhkəmə şöbəsinə yenidən qaytarılmışdır. Əslində cümə axşamı günü mühakimə olunan fəalların məhkəmə iclası avqustun 24-nə təyin edilmişdir. Keçirilən məhkəmə prosesindən belə başa düşülür ki, fəallar barəsində çıxarılan saxlanma qərarı avqustun 24-də mülki vəsiqə qərarı ilə əvəzlənə bilər.

Adını çəkdiyimiz fəallar 10 aydan çoxdur Marağa zindanında saxlanılır, lakin onların məhkəmə işinə Binab Məhkəməsi baxır.

Fəalların sistemin əleyhinə təbliğat aparmaq, milli təhlükəsizliyi pozmağa cəhd göstərmək və xarici qruplarla irtibat qurmaqda günahlandırıldığı bildirilir. Azərbaycanlı fəallar irəli sürülən bütün ittihamları qəti şəkildə rədd ediblər.

N.S

GUNAZ.TV

SON XƏBƏRLƏR