Contact Us

SON XƏBƏRLƏR

Azərbaycan bayrağı Cıdır Düzündən Dubayın mərkəzinə gətirildi

2021.11.13, 13:46
Azərbaycan bayrağı Cıdır Düzündən Dubayın mərkəzinə gətirildi

Gunaz.tv

Daha sonra 8 Noyabr - Zəfər Günü münasibətilə Diasporla İş üzrə Dövlət Komitəsinin dəstəyi və Birləşmiş Ərəb Əmirliklərində yaşayan azərbaycanlıların iştirakı ilə “Zəfər Görüşü” adlı tədbir keçirilib.

Ərəb Ölkələri üzrə Azərbaycanlıların Koordinasiya Şurasının BƏƏ üzrə əlaqələndiricilərinin, Diasporla İş üzrə Dövlət Komitəsinin əməkdaşlarının və diaspor fəallarının iştirak etdiyi tədbir Azərbaycanın Dövlət Himninin səsləndirilməsi ilə başlayıb, torpaqlarımızın işğaldan azad edilməsi uğrunda canını fəda etmiş şəhidlərimizin əziz xatirəsi  bir dəqiqəlik sükutla yad edilib.

Diasporla İş üzrə Dövlət Komitəsinin əməkdaşı Bəxtiyar Müzəffər Ali Baş Komandan İlham Əliyevin rəhbərliyi altında rəşadlətli Azərbaycan Ordusunun qazandığı Qələbənin bir illiyi münasibətilə Rəhimov Komitə sədri Fuad Muradovun tədbir iştirakçılarına təbrikini çatdırıb.

44 günlük Vətən müharibəsi zamanı xaricdəki Azərbaycan diasporunun fəaliyyətini əks etdirən videoçarx nümayiş olunub.

Ərəb Ölkələri üzrə Azərbaycanlıların Koordinasiya Şurasının BƏƏ üzrə əlaqələndiriciləri çıxış edərək harada yaşamasından asılı olmayaraq, dünya azərbaycanlılarının həmrəyliyinin, onların təşkilatlanması prosesinin əhəmiyyətinə toxunublar.

Birləşmiş Ərəb Əmirliklərinin Prezident Məsələləri Nazirliyinin Məhkəmə və Dini məsələlər üzrə müşaviri Seyyid Əli bin əl-Sayid Əbdül Rəhman əl-Haşim bu gözəl gün münasibətilə Azərbaycan xalqını təbrik edib, sülh və əmin-amanlıq arzu edib. BƏƏ rəsmisi Prezident İlham Əliyevin İslam və Ərəb ölkələri ilə əlaqələrin inkişafına daim diqqət ayırdığını, iki ölkə arasında münasibətlərin günü-gündən inkişaf etdiyini bildirib.

Tədbirə Türkiyə, Misir, Mərakeş, İordaniya, Almaniya, Böyük Britaniya, ABŞ və Özbəkistandan gələn qonaqlar da qatılıb.

Tədbir bədii proqramla davam edib. (report.az)

Ayxan

Açar Sözlər :

SEÇİLMİŞ XƏBƏRLƏR

Çox oxunanlar