"Bütöv Azərbaycan amalımızdır, bu yolda varıq"-Cebhe.info-nun yaranmasından 7 il ötür

SON XƏBƏRLƏR

"Bütöv Azərbaycan amalımızdır, bu yolda varıq"-Cebhe.info-nun yaranmasından 7 il ötür

2022.09.01, 07:05

Gunaz.tv

Azərbaycan xəbər məkanında özünəməxsus yeri olan Cebhe.info saytı 2015-ci ilin 1 sentyabrında yaradılıb. Həmin gün “Cümhuriyət” qəzeti də bərpa edilib.

Cebhe.info xəbər portalının direktoru, “Cümhuriyət” qəzetinin baş redaktoru Rəfail Becanov bildirib ki, 7 il illik fəaliyyəti boyu rəhbərlik etdiyi media qurumları fəaliyyətində milli və dövlət maraqlarınnı əsas götürüb.

"7 il böyük zaman olmasa da, kiçik də deyil.

İndi 7 il əvvələ baxanda göz önünə qaçqov anlarımız, çalışmalarımız, gecə-gündüzün bəzən unudulması kimi unutmayacağımız anlar gəlir. Bu illər ərzində “Öncə Vətən, öncə dövlət” deyə düşündük və yürüdük.

Media quruluşu olaraq, hədəfimiz Azərbaycana xidmət oldu. Bütöv, böyük, azad və firavan Azərbaycan üçün gecəni gündüzə qatdıq və davam edirik.

Qarabağı arzuladıq, Şuşa həsrətində göynədik. Laçını, Kəlbəcəri, Ağdamı, bütün işğal altında olan torpaqlarımızı azad görmək istədik. Hamısı çin oldu.

Azərbaycan ordusu Ali Baş Komandanın rəhbərliyində 44 günə 30 illik acını ömrümüzdən sildi. Media olaraq bu zəfərdən yazmaq bəxtimizə düşdü. İllərlə işğalından, işğal tarixindən yazdığmız yerlərdən indi reportajlar veririk"-deyə, baş redaktor bildirib.

R.Becanov deyib ki, 7 ildə Cebhe.info və "Cümhuriyət" öz oxucu və izləyici kontingentini formalaşdıra bilib:
"Bu gün media məkanında Cebhe.info-nun, “Cümhuriyət”in, Cebhe TV-nin öz auditoriyası var. Buna görə ilk növbədə oxucularımıza, abunəçilərimizə, izləyicilərimizə minnətdarıq.

Bizi seçirlər, oxuyurlar, izləyirlər...Bu, uğurdur!

Bu uğura görə isə kollktivimizə minnətdarıq. Dünən bir yerdə olduqlarımızla, bu gün bir yerdə addımladıqlarımızla uğuru birgə qazanmşıq. Hər bir kəsin əməyi var. Hər bir kəs nə mümkünsə edib. Bu uğur hamımızındır!

Bu illər ərzində bizi dəstəkləyən dostlarımız oldu. Çətin günlərimizdə bizə dəstək oldular. Sıxıntımızı, çətinliyimizi qarşılamaq, oxucuların görüşünə gecikməmək üçün bütün türlü dəstəklərini göstərdilər. Düaçıyıq! İlk gündən azad media prinsipləri çərçivəsində fəaliyyətimizi davam etdiririk. Operativliyimizi, dəqiqliyimizi və ən əsası da peşə etiksını qorumaq vazkeçilməz prinsipimizdir.

Təməl prinsiplərimizə əbədi sadiqliyimiz var. Dəyişməyən hədəfimiz Vətənə, millətə, dövlətə xidmət, milli maraqlar...

Bütöv Azərbaycan amalımızdır, alın yazımızdır və bu yolda varıq".

Qeyd edək ki, 90-cı illərdən nəşrə başlayan "Cümhuriyət" qəzeti və 7 ildir fəaliyyət göstərən Cebhe.info saytı hər zaman Güney Azərbaycanda yaşaysan soydaşlarımızın milli kimlik və ana dili uğrunda hərəkatına informasiya dəstəyi verib, güneyli soydaşlarımızın haqq davasının tribunasına çevrilib.

Həmkarlarımızı təbrik edir, onlara yaradıcılıq uğurları arzulayırıq.

GUNAZ.TV

SON XƏBƏRLƏR