Contact Us

SON XƏBƏRLƏR

Almaniya xarici işlər naziri: "İranda etirazların yatırılmasına cavabdeh olanların aktivləri dondurulacaq"

2022.10.10, 09:55
Almaniya xarici işlər naziri: "İranda etirazların yatırılmasına cavabdeh olanların aktivləri dondurulacaq"

Gunaz.tv

Almaniyanın xarici işlər naziri Analena Berbuk verdiyi açıqlamada bildirib ki, Berlin İranın ümummilli nümayişlərinin yatırılmasında rolu olan İslam Respublikası rəsmilərinin aktivlərinin dondurulmasının və onların Avropa Birliyinə daxil olmasının qarşısını almaq üçün yollar axtarır.

“Küçədə qadınları və qızları döyən, azadlıqdan başqa heç bir arzusu olmayan insanları qaçıranlar, özbaşına həbs və ölümə məhkum edənlər tarixin yanlış tərəfində dayanıblar”,- deyə, Berbuk Almaniyanın “Bild am Sonntag” qəzetinə oktyabrın 9-da verdiyi açıqlamasında bildirib.
 
Reuters"-in məlumatına görə, o, İran xalqlarına xitabən müraciət edib və "biz azadlıq uğrunda mübarizənizdə sizin yanınızda olduğumuzu bildiririk" deyib.

Almaniya Xarici İşlər Nazirliyindəki mənbə ötən həftə "Reuters" agentliyinə bildirib ki, Almaniya, Fransa, Danimarka, İspaniya, İtaliya və Çexiya Avropa Birliyinin İrana qarşı yeni sanksiyaları üçün 16 sorğu təqdim edib.

"Reuters" öz hesabatının yekun hissəsində əlavə edib ki, İrana qarşı yeni sanksiyalar təklif edən ölkələr bu assambleyanın keçiriləcək iclasında Avropa Birliyinin üzv ölkələrin xarici işlər nazirlərinin yekun qərarının verilməsinə çalışırlar.

"Reuters"-in məlumatına görə, qərar yəqin ki, heç bir etiraz olmadan təsdiqlənəcək.

Cavidan
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar