Contact Us

SON XƏBƏRLƏR

“Ermənistan bu yolla sülhə məcbur edilə bilər”-Hərbi ekspert

2023.05.13, 14:16
“Ermənistan bu yolla sülhə məcbur edilə bilər”-Hərbi ekspert

Gunaz.tv

Ramil Məmmədli bildirib ki, erməni tərəfinin əlində olan əsas rıçaq Avropa İttifaqının müşahidə şurasının 110 nəfərlik monitorinq qrupunun Ermənistanda olmasıdır. 

“Hərbi təxribatlarda digər məqam isə Qərbin, Avropanın müəyyən məsələlərdə öz diktəsini irəli sürməsidir, yəni Azərbaycanı sülhə məcbur etmə cəhdidir. 

F5NrLQi.jpg

Çünki biz bilirik ki, Ermənistanın siyasi dairələri birbaşa Qərbin təsirindədir. Münaqişənin həlli ilə bağlı prosesdə Rusiyanın, Amerikanın, Qərbin də maraqlarını biliririk.

Rusiya birinci infrastruktur layihələrini həyata keçirilməsində maraqlıdır. Yəni Zəngəzur dəhlizinin açılması, sərhədlərin müəyyənləşdirilməsi, sonra sülh müqaviləsinin imzalanması. Bu da onun Aralıq dənizi hövzəsinə çıxış əldə etmək niyyəti ilə bağlıdır. 

Çünki Rusiya Azərbaycandan, Zəngəzur dəhlizi üzərində keçməklə Türkiyə İsgəndərun və Mersin limanlarına çıxış imkanı əldə edir. Bu, Rusiya üçün böyük və vacib layihədir”-deyə, hərbi şərhçi bildirib.
Ekspert hesab edir ki, Ermənistanın hərbi təxribatlarında Rusiya faktoru da mühüm rol oynaya bilər:

Danışıqların sülhə yaxınlaşma, Qərb təsisatlarının, Qərb ölkələrinin vasitəçiliyi ilə keçirilir. Belə bir durum Rusiyanı qane etmir. Sülh istiqamətində aparılan danışıqları pozmaq üçün Rusiya Emrənistandakı hərbi dairələrindəki adamları vasitəsilə vəziyyəti gərginləşdirir”. 
2-23-cü ildə sülh müqaviləsinin imzalanmasını real hesab etməyən R.Məmmədli deyib ki, Azərbaycanın sülhə məcburetmə variantı isə başqa bir formatda həyata keçirilə bilər:

“Qarabağdakı ermənilər 1 aydır ki, sakit durublar. Qarabağda Ermənistanın Müdafiə Nazirliyinə tabe olnan ümumqoşun ordusu yerləşir. Onun çıxarılmasını tələb etməklə Ermənistana təzyiq  edib sülh sazişinin imzalanmasına nail ola bilərik. 

Əslində vəziyyət gərgindir. Azərbaycanın mövqeyi aydındır, Ermənistan isə qeyri-adekvat mövqe nümayiş etdirir. Belə olan halda atılacaq yeganə addım lokal hərbi əməliyyatların həyata keçirilməsi ola bilər. Yalnız bu halda Ermənistan sülhə məcbur edilə bilər”. 

Ayxan
 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar