“Ərdoğan Güney Azərbaycana öz dəstəyini ifadə edib”-Baş redaktor

SON XƏBƏRLƏR

“Ərdoğan Güney Azərbaycana öz dəstəyini ifadə edib”-Baş redaktor

2023.05.19, 12:41

Gunaz.tv

“Kamal Kılıçdaroğlu bu raundda uzağı 40 faizə qədər səs toplaya bilər. Uduzmuş müxalifətin xalqı küçələri çağıracağı mümkün variantdır. Amma məncə artıq müxalifət də razılaşıb ki, Ərdoğan qalib gələcək.

Burda bir neçə variant ola bilər. Müxalifətin özünün daxilində mərkəzdənqaçma prosesi başlanıb. Nəzərə alaq ki, bu gün Böyük Millət Məclisində aparıcı qüvvə Cümhur İttifaqıdır. Artıq məsələ həll olunub.

İstənilən halda parlamentdə müəyyən məsələləri hakim koalisiya həll edə bilər. Necə deyərlər ox yayından çıxıb. İyi Partiyanın, Sinan Oğanın tərəfdarları 2-ci turda Ərdoğana, MHP-yə səs verəcək. Onlar özləri də bilir ki, ciddi səhvlər buraxılıb”.
Yunus Oğuz hesab edir ki, Ərdoğan çapında siyasətçi olmayan Kılıçdaroğlunun qalib gəlməsi mümkün deyil:

“Obrazlı desək, birinci turda ova çıxmışdılar, ovlandılar. Kamal Kılıçdaroğlu anlamadı ki, kiçik tilovla böyük balıq tutmaq olmaz.

Qarşıdakı rəqib belə deyək “böyük balıqdır”. Ərdoğan siyasi balinadır. Kamal Kılıçdaroğlu da əlinə kiçik tilov götürüb deyir ki, mən rəqibimi məğlub edəcəm. Dünya siyasətində belə hadisələr baş vermir.

Bütün Avropa, Amerika Ərdoğanın əleyhinə idi. Lakin xalq Ərdoğanı seçdi. Odur ki, düşünmürəm ki, ikinci turda ciddi hadisələr baş versin”.

Buna qədər türk birliyinə yönəlik siyasət aparmış Ərdoğan iqtidarı bu kursu davam etdirəcəkmi? Növbəti mərhələdə Güney Azərbaycan türklərinin milli kimlik mübarizəsinə dəstək veriləcəkmi?

Yunus Oğuz bildirib ki, AKP iqtidarı artıq Güney Azərbaycan xalqına öz dəstəyini ifadə edib:

“Ərdoğan artıq 2020-ci ilin dekabrında Bakıda keçirilən Zəfər paradında Güney məsələsini gündəmə gətirdi.

Dövlət başçısının söylədiyi
“Arazı ayırdılar, qum ilə doyurdular,
Mən səndən ayrılmazdım, zülm ilə ayırdılar” şeiri Güney Azərbaycan xalqının milli qurtuluş mübarizəsinə dəstək idi. O dəstəkdən sonra Azərbaycan prezidenti İlham Əliyev bildirdi ki, biz güneylilərin taleyinə biganə qala bilmərik”.

Ayxan

GUNAZ.TV

SON XƏBƏRLƏR