“Bu, söz və ifadə azadlığına qəsddir”- Baş redaktorlar Əhməd Obalıya qarşı terroru pislədi

SON XƏBƏRLƏR

“Bu, söz və ifadə azadlığına qəsddir”- Baş redaktorlar Əhməd Obalıya qarşı terroru pislədi

2023.05.22, 09:57

Gunaz.tv

Günaz.TV-nin Bakı ofisinin rəhbəri Araz Obalı bildirib ki, Əhməd Obalının bütün bədəni ciddi zədə alıb, özəlliklə boynu, sağ əlinin bütün barmaqları sındırılıb, gözləri ciddi zərbə alıb. Qollarını və ayaqlarını hiss etmir.

Azərbaycanın ictimai-siyasi fəalları, baş redaktorlar bu terror hücumunu pisləyib.

Bütöv Azərbaycan xalq Cəbhəsi Partiyası sədrinin müavini, “Xalq Cəbhəsi” qəzetinin baş redaktoru Elçin Mirzəbəyli Əhməd Obalı və oğlunun ABŞ-da vəhşicəsinə döyülməsini şiddətlə qınadığını bildirib:

“Media mənsubu, Güney Azərbaycan türklərinin fədakar müdafiəçisi Əhməd bəyin döyülməsi söz və ifadə azadlığına qarşı həyata keçirilən xain hücumdur və bu cinayətdə iştirakı olan hər kəsin qanun qarşısında cavab verməsi təmin olunmalıdır.

İstisna etmirəm ki, Güney Azərbaycan türklərinin Avropada keçirdikləri son aksiyadan sarsılan, sonunun yaxınlaşdığını hiss edən molla rejimi "İran" adlanan ölkənin sərhədlərindən kənarda güneyli qardaş və bacılarımızın səsinə çevrilən fədakar soydaşlarımızı da susdurmaq istəyir.

Rədd olsun zülmkar, xain, terrorçu edam rejimi! Hər birimiz Əhməd Obalıyıq! Hamımız Güney Azərbaycanlıyıq! Hamımız bütöv Azərbaycanlıyıq!”

“Cümhuriyət” qəzetinin baş redaktoru Rəfail Becanov da bu hadisə qəsdən və xüsusi hazırlanmış saldırıdır: “İlkin versiyaya görə bu hadisə də İran tərəfindən təşkil olunub.

Məlumdur ki, qəsdən və xüsusi hazırlanmış saldırıdır və vəhşi hücumun arxasında duranların, bu hücumu sifariş edənlərin tezliklə məlum olacağı, bu vəhşilik müqabilində cəzalandırılacaqlarına inanırıq. Əhməd bəyə acil şəfalar”.

“Yeni Müsavat” Media Qrupunun rəhbəri Rauf Arifoğlu baş verənləri Günaz.TV rəhbərini həyatına sui-qəsd adlandırıb:

Rauf Arifoğlu: “Əli Kərimli dedi ki, məni Ramil Usubov və Ramiz Mehdiyevlə görüşdür” - MÜSAHİBƏ

“İran göz qorxudur. Daha bir sui-qəsd, Əhməd Obalını və oğlu Dənizi ABŞ-da ölümcül döydülər. Keçmiş olsun, əziz dostum”

Mətbuat Şurasının üzvü, politoloq Yeganə Hacıyeva GünAz TV-nin rəhbəri Əhməd Obalı və oğlu Dənizin ABŞ-da vəhşicəsinə döyülməsini pisləyib.

"Aydın məsələ idi ki, İran beynəlxalq diqqət çəkiləndən sonra qisas almağa başlayacaqdı və biz artıq bu mərhələni izləməkdəyik"-deyə, o, bildirib.

Politoloq qeyd edib ki, İran beynəlxalq səviyyədə terrorizmi dəstəkləyən dövlətlər sırasında öndə gedir:

"İran rejimi 44 illik tarixi boyu çoxsaylı sui-qəsdlər törədib və terrora sponsorluq edib, iranlı müxalifləri və dünyanın müxtəlif yerlərində xarici dövlətlərin nümayəndələrini təqib edib. İran kəşfiyyatı 1979-2020-ci illərdə xaricdə İran rejiminin müxalifləri olan ən azı 21 siyasi rəqibini öldürüb.

İran kəşfiyyatı 1989-cu ilin iyul ayında Vyanada, Avstriyada İran kürdlərinin liderini və daha iki nəfəri qətlə yetirib.

Eyni üsulla, 1991-ci ilin avqust ayında Fransada İran rejiminə müxalifət olan hərəkatın liderlərindən biri - İranın keçmiş baş naziri Şapur Bəxtiyarı öldürüblər.

1992-ci ilin sentyabrında Berlində dörd nəfər iranlı dissident qətlə yetirilib. Bu qətllərdə şübhəli bilinən 4 nəfər SEPAH agenti 1997-ci ildə ələ keçirilərək mühakimə olunublar. Əhməd Obalı və ailəsinə qarşı törədilən cinayət də bu tip cinayətlərdəndir".

“Bu xain hücumu qətiyyətlə pisləyirik, günahkarların tapılmasını tələb edirik. Kimlərsə bizi yolumuzdan döndərmək istəyirsə, böyük səhv edir.

Birimiz ölərik, minimiz dirilərik. Bütöv Azərbaycan bir nəfərin yolu deyil ki, millətin arzusudur”.

Bunu isə “Olaylar” qəzetinin baş redaktoru Yunus Oğuz deyib.

“Azpost.info xəbər portalının rəhbəri Xaqani Səfəroğlu Əhməd Obalının döyülməsini söz azadlığına və KİV-ə qarşı basqı, qorxutma kimi dəyərləndirib: “Günaz.TV-nin rəhbəri, ABŞ-da mühacir həyatı yaşayan soydaşımız Əhməd Obalıya hucum terror niyyətli qəsddir.

No description available.

Bu hucumun demokratik dünyanın mərkəzi sayılan ABŞ-da baş verməsi təəssüf doğurur. Əhməd Obalı Azərbaycandan qayıdandan sonra bu hucuma məruz qalması suallar doğurur.

Onun rəhbərlik etdiyi TV kanalı İranda, Cənubi Azərbaycanda yaşayan soydaşlarmızın hüquqlarının müdafiəsi ilə tanınır.

Əhməd bəy o tay-bu tay azərbaycanlıları arasında mənəvi bağların qurulmasında böyük xidmətləri var. Bu terror hucumunu pisləyirəm və günahkarların tez bir zamanda cəzalandırılacağına əminəm”.

“Əhməd Obalıya qarşı Amerikada baş vermiş bu zorakı terror hadisəsi bir çox tərəfləri ilə düşündürücüdür.

İran uzantılarının təşkil etdiyi bu aksiyanın ABŞ kimi dövlətdə baş verməsi təkcə azərbaycanlıları deyil, ilk növbədə bu ölkənin xüsusi xidmət orqanlarını düşündürməli bir məsələdir.

Görün bu terror şəbəkəsi Amerika kimi ölkədə yuva qurubsa, görün digər ölkələrdə vəziyyət necədir”.

Bunu isə “Türküstan” qəzetinin baş redaktoru Aqil Camal deyib.

Baş yazar Camal deyib ki, bu hadisə ilə Əhməd Obalının Güney Azərbaycan Milli Azadlıq Hərəkatında yönverici rolu bir daha təsdiqlənir.

“Molla rejimi özünə qarşı əsas təhlükəni harda gördüyünü göstərmiş oldu. Bu terrordan sonra Güney Azərbaycan Milli Hərakatının əksər fəallarının rəyləri göstərdi ki, onlar Əhməd Obalıya olan terrorla bağlı ümumi bir dayanışma nümayiş etdirdilər.

Baxmayaraq ki, Əhməd Obalıya çox ciddi xəsarətlər yetirilib, bu xain hücumu planlayanların niyyəti boşa çıxdı. Bu hadisə Azərbaycan Milli Hərəkatına daha da vüsət verdi. Obalıya hücum Güney Azərbaycan Milli Hərəkatında olıan qüvvələr arasında konsolidasiya yaradacaq”.

Ayxan