“Güney Azərbaycan Respublikasının qurulması dövrün tələbidir”-Siyasi şərhçi

SON XƏBƏRLƏR

“Güney Azərbaycan Respublikasının qurulması dövrün tələbidir”-Siyasi şərhçi

2023.05.24, 10:45

Gunaz.tv

Qeyd edək ki, seçkilərin mayın 14-də keçirilən ilk turunda qalib müəyyən edilməmişdi. İkinci turda hazırkı prezident Rəcəb Tayyib Ərdoğan birləşmiş müxalifətin namizədi Kamal Kılıçdaroğlu ilə üz-üzə gələcək. Bir sıra Türkiyə siyasi ekspertləri Kamal Kılıçdaroğlunun seçkini pozacaq addımlara gedəcəyini proqnozlaşdırır.

Hesab edilir ki, CHP lideri seçkidən çəkilə bilər. Türkiyə qanunlarına görə bu halda seçki ləğv edilməli, 3 aydan sonra yeni seçki keçirilməlidir. Siyasi şərhçi Azər Həsrət Günaz.TV-yə açıqlamasında bildirib ki, Kamal Kılıçdaroğlunun bu addımı atacağı real görünmür:

“Qardaş Türkiyədəki seçki həm Azərbaycan Respublikasında, həm Güney Azərbaycanda, həm də bütövlükdə türk dünyasında diqqət mərkəzindədir. Eyni zamanda hətta qlobal səviyyədə diqqət mərkəzindədir. Amerika, Avropa ciddi şəkildə bu seçkini izləyir, nəticələri ilə bağlı öz planlarını hazırlayır. Kamal Kılıçdaroğlunun seçkidən çəkilməsi ehtimalı demək olar ki yoxdur. Çünki o, özünü hələ də inandırır ki, bu seçkinin qalibi olacaq. Ona görə də bütün gücü ilə çalışır ki, qalib gəlsin.

Amma reallıq başqadır. Rəcəb Tayyib Ərdoğan güclü ldierdir, xalqdan böyük dəstək görür. Üstəlik də ikinci tura qaldıqdan sonra bir çox məsələlələ daha da aydınlaşıb. Bu üzdən o, qələbəsini təmin edəcək. Ümumiyyətlə isə biz də arzu edirik ki, Ərdoğan Türkiyənin Cümhurbaşqanı seçilsin.

Çünki onun Türk Dövlətləri Təşkilatı, Azərbaycan və bənzər məsələlərdə edəcəyi çox işlər var. Yəni biz türk birliyinin perspektivini riskə ata bilmərik. Bu baxımdan Rəcəb Tayyib Ərdoğanın yenidən seçilməsi bizim üçün də vacibdir. Güney Azərbaycan gəlincə, məncə bu, ümumi prosesin davamıdır”.

Azər Həsrət bildirib ki, Ərdoğan növbəti dəfə prezident seçilsə Azərbaycan Respublikası özünü daha arxayın və rahat hiss edəcək. “Eyni zamanda güneyli soydaşlarımız da özlərini daha güvəndə hiss edəcəklər.

Bu baxımdan hesab edirəm ki, həm Azərbaycandakı fəalların aktivliyi artacaq, həm də güneyli soydaşlarımız bir qədər də ürəklənəcək. Güney Azərbaycanla bağlı proses sürətlənəcək. Güney Azərbaycan Repsublikasının qurulması dövrün tələbidir. Bu, Azərbaycan Respublikasının vətəndaşları üçün də vazkeçilməz istəkdir.

Eyni zamanda Türkiyə vətəndaşları, türk dövləti üçün də tezliklə baş verməsi arzuolunan bir istəkdir. Bu baxımdan hesab edirəm ki, Ərdoğanın seçilməsi Türkiyənin daxili məsələsi deyil. Bu, türk dünyasının perspektvi məsələsidir. Ona görə də anti-türk olan bütün mərkəzlər çalışır ki, onu hakimiyyətdən endirsinlər. Kamal Kılıçdaroğulunun ətrafına baxın.

Terrorçu PKK-dan tutmuş, erməni daşnaklarına, türk düşmənçiliyi üzdə olan Fransaya qədər hamısı birləşərək CHP liderini dəstəkləyir.

Sual olunur niyə məhz onu? Çünki bilirlər ki Kılıçdaroğlu gəlsə böyük türk hərəkatı dayanacaq. Biz buna yol verə bilmərik. Ona görə də Güney Azərbaycan hərəkatına böyük zərbə olacaq və biz də bunu məqbul saymıırıq”.

Ayxan

GUNAZ.TV

SON XƏBƏRLƏR