Amerikanın Nümayəndələr Palatasında İranla bağlı yeni qanun çıxdı

SON XƏBƏRLƏR

Amerikanın Nümayəndələr Palatasında İranla bağlı yeni qanun çıxdı

2023.06.22, 13:20

Amerikanın Nümayəndələr Palatası İrana qarşı bir sıra sanksiyaların daimi olması ilə bağlı plan hazırlayıb.

Gunaz.tv

Palatanın Xarici İşlər Komitəsi iki partiya üzvlərinin mütləq səs çoxluğu ilə İrana qarşı sanksiyaların daimi olması barədə qərar çıxarıb.

Sənəd “İrana Sanksiyaların Möhkəmləndirilməsi Qanunu” adlanır.

Xatırladaq ki, Vaşinqtonun sanksiyaları İranın nüvə və kimyəvi silahların tədqiqi və inkişafının, həmçinin Amerika və müttəfiqlərinə qarşı terrorçu hərəkətlərinin qarşınını almaq məqsədi ilə 1996-cı ildə tətbiq olunub və 2026-cı ilədək etibarlıdır.

Lakin Komitənin qərara aldığı plana əsasən vaxtı 2026-cı ildə bitəcək sanksiyaların bir qismi daimi olacaq.

Respublikaçı Maykl Stil və demokrat Suzi Li bu plana siyasi dəstək qazanmağı öhdələrinə götürüb.

“Vaşinqton İrana qarşı sanksiyaları daimiləşdirməklə Tehrana mesaj verir ki, sizin aqressiv hərəkətlərinizə dözməyəcəyik.

Həmçinin müttəfiqlərimizə də ismarıc veririk ki, onlar da İrana qarşı təzyiqləri artırmalıdır.

İranın şər rejimi sübut edib ki, xoş niyyətlə danışıqlar aparmaq üçün etibar ediləcək bir hökumət deyillər.

Onlarla ancaq sərt davranmaqla sülh yolunu göstərmək olar. Yalnız bu yola rejimin İran xalqına qarşı etdiyi vəhşi həmlələri dayandıra və İranın nüvə ölkəsinə çevrilməsinin qarşısını almaq olar”-deyə Maykl Stil "Foks Nyus"a müsahibəsində deyib.

“Konqresin üzvləri siyasi partiya mənsubiyyətlərindən asılı olmayaraq, İranın öz xalqına qarşı hərəkətlərinin, terrorizmə maliyyə yardımının və təhlükəli nüvə silahına çatmasının qarşısını almalıdır"-planı hazırlayan digər senator Suzi Li deyib.

Qeyd edək ki, Konqresin İrana təzyiqlərinin gücləndiyi bir vaxtda Bayden iqtidarının İran siyasəti sərt tənqid olunur.

Taymaz

GUNAZ.TV

SON XƏBƏRLƏR