İranda daha bir jurnalist həbs edildi

SON XƏBƏRLƏR

İranda daha bir jurnalist həbs edildi

2023.07.09, 11:06

Tehranın Əllam Təbatəbai Universitetinin tələbəsi, jurnalist Nazila Mərufian bu gün Evin Prokurorluğuna getdikdən sonra həbs edilib.

Gunaz.tv

Bu barədə jurnalistin yaxınları məlumat yayıblar.

Ötən həftə Kəşfiyyat Nazirliyinin əməkdaşları Nazila Mərufianın evinə basqın edərək axtarış aparmış və ona məxsus şəxsi əşyaları müsadirə ediblər.

O, bu barədə paylaşım edərək vətəndaşların şəxsi mənzillərində də təhlükədə olduqlarını, ancaq mübarizədən geri çəkilməyəcəklərini yazmışdı.

Mərufian bundan əvvəl 2022-ci ilin oktyabr ayının əvvəlində əxlaq polisi tərəfindən öldürülən Məhsa Əmininin atası ilə müsahibə etdiyi üçün saxlanılıb və 72 gün həbsdə qaldıqdan sonra girov qarşılığında müvəqqəti sərbəst buraxılıb.

Jurnalistə qarşı "Hökumətə qarşı təbliğat və yalan məlumatlar yaymaq" ittihamına görə iki il həbs cəzasına məhkum edilib və 5 il müddətinə ölkən çıxışına qadağa qoyulub.

Onun saxlanılmasının barəsində çıxarılan həbs qərarının icrası ilə bağlı olduğu ehtimal edilir.

Qeyd edək ki, İnsan haqları təşkilatlarının verdiyi məlumata görə, İranda davam edən etiraz aksiyaları zamanı 79 jurnalist həbs edilib.

Saxlanılan jurnalistlər arasında İran hakimiyyətinə yaxın bir neçə media orqanının, o cümlədən "Şərq" qəzetinin əməkdaşlarının da adı var.

Onların bir neçəsi girov qarşılığında müvəqqəti olaraq məhkəməyə qədər sərbəst buraxılsalar da 33 jurnalist həbsdə saxlanılır.

Timur

GUNAZ.TV

SON XƏBƏRLƏR