Contact Us

SON XƏBƏRLƏR

"Azərbaycan milləti gərilmiş yay kimidir"-Abbas Lisanidən Urmu gölü ilə bağlı sərt xəbərdarlıq

2023.07.17, 13:16
"Azərbaycan milləti gərilmiş yay kimidir"-Abbas Lisanidən Urmu gölü ilə bağlı sərt xəbərdarlıq

Güney Azərbaycan Milli Hərəkatının tanınmış siması və keçmiş siyasi məhbus Abbas Lisani Urmu gölünün qurudulması ilə bağlı fikirlərini paylaşıb.

Gunaz.tv

Gölün hazırkı acınacaqlı durumuna  diqqət çəkən Abbas Lisani bildirib ki, bunun səbəbi hakimiyyətin bu məsələdən siyasi məqsədlər güdməsidir:

"Urmu gölünün qurudulması istiqamətindəki iyrənc siyasətin bir neçə məqsədi var. Burada gölün qurudulmasından sonra onun yatağında olan mineralların başqa bölgələrdə olduğu kimi talanması və azərbaycanlıların daha da yoxsullaşdırılması nəzərdə tutulur. 

Eyni halda bölgənin çöllüyə çevrilməsi ilə Azərbaycan coğrafiyasında demoqrafik vəziyyətin dəyişdirilməsi planlaşdırılır. Bu siyasi iradənin tətbiqi bizim üçün heç də təəccüblü deyil.

100 ildir ki, azərbaycanlıların zəiflədilməsi üçün müxtəlif işlər görülür, onun mədəniyyətinə qarşı soyqırım aparılır. 

İndi isə bu istənilən nəticəni vermədiyi üçün onun millətmizin fiziki soyqırımına qərar verilib. Bu siyasi iradə zaman-zaman Azərbaycan torpaqlarını bölüb və başqa əyalətlərə, başqa etniklərə pay verib.

Bununla da ürəkləri soyumayıb və Qərbi Azərbaycan torpaqlarında cəmiyyətin tərkibini dəyişərək Azərbaycan kimliyini məhv etməyə çalışırlar. Bütün dəlillər onu göstərir ki, Azərbaycan xalqını fiziki və mənəvi baxımdan tamamilə məhv edib aradan aparmağı planlaşdırdıqları məlum olur. 

Təəssüflə hakim şərait Azərbaycan xalqının əksəriyyətinin hər hansı səbəblərə görə bu plana qarşı laqeyd qalmasına səbəb olub. Bu isə hakimiyyət və fars şovinizminin millətimizin əleyhinə dahada qəddarlaşmasına gətirib çıxarır". 

Abbas Lisani Azərbaycan xalqının düşmənlərinə xəbərdarlıq edib: "Bunu açıqca deyirəm ki, Azərbaycan milləti bir gərilmiş yay kimidir, daha çox zülmə məruz qaldığı vaxtlar daha şiddətli reaksiya verib. 

Buna görə də, bu gün azərbaycanlılara qarşı zülm edənlər çox sevinməsinlər. Azərbaycan xalqı uyğun şərait yarandıqda onun torpaqlarını çöllüyə çevirənlərə cavab verib və onları aid olduqları öz çöllüklərinə geri qaytaracaqlar.

Azərbaycan xalqı özünə qarşı olan zülmlərə dözməyəcək və şanına yaraşan yollarla haqqını zalimlərdən alacaq. 

Ümid edirəm ki, hakimlər, fars şovinizmi və bu anti-türk təfəkkürü özünə gələ və bu azqınlıqlara dur deyələr. Yoxsa millətin qəzəbi tanrının qəzəbindən daha sərt olacaq. Ayılsınlar və özlərinə gəlsinlər".

Timur

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar