Contact Us

SON XƏBƏRLƏR

Məşhur azərbaycanlı şəxsiyyətin oğurlanmış büstünün taleyi hələ də bəlli deyil

2023.07.26, 14:40
Məşhur azərbaycanlı şəxsiyyətin oğurlanmış büstünün taleyi hələ də bəlli deyil

Azərbaycanlı şəxsiyyətin büstünün oğurlanmasından 5 il ötməsinə baxmayaraq bu barədə hələ də araşdırma aparılmır. Bunu Azərəncümən xəbər portalı bildirib.

Gunaz.tv

Portalın açıqlamasına əsasən 22.06.2028-ci il tarixində “Rüşdiyyənin büstü oğurlandı” başlığı ilə Təbriz Bələdiyyəsinə bağlı mətbuatda xəbər yayılmışdır. Bu olaydan 5 il ötür, lakin hələ də Mirzə Həsən Rüşdiyyənin büstünün taleyinə aydınlıq gətirilməyib. Şəhərin rəsmilərindən Təbrizin və Azərbaycanın fəxrli şəxsiyyətlərinə xüsusi diqqət ayırmalarını gözləyirik.

Xatırladaq ki, İranın şovnist-dini hakimiyyətinin əsas iç siyasəti olaraq Azərbaycan atributunu təmsil edən hər hansı simvol, büst, heykəl, məkan, abidə və sairə qəsdən dağıdılır, baxımsızlığa məruz qoyulur. Həmçinin Güney Azərbaycanın sair şəhərlərində simvol kimi qoyulmuş heykəl və büst mərkəzi hakimiyyətin və şovnist dairələrin təzyiqi və israrı ilə götürülür. 

İranda hər hansı cinayətin üstü çox tez bir zamanda və bir neçə saat ərzində açıldığı bir halda Güney Azərbayacnnın məşhur şəxsiyyəti büstünün güya “Rüşdiyyənin büstünün oğurlanması” və kimlər tərəfindən oğurlandığı hələ də araşdırılmayıb. Bu məsələ isə büstün Azərbaycana zidd məlum dairələrin təzyiqi ilə elə bələdiyyənin özü tərəfindən götürüldüyü ehtimalını gücləndirir. Həmin “Rüşdiyyənin büstü oğurlandı” xəbər başlığı isə aldadıcı və məsuliyyətdən yayınma olaraq Bələdiyyəyə bağlı mətbuatda verilib. 
Qeyd edək ki, Mirzə Həsən Rüşdiyyə İranda müasir tərzdə məktəblərin və təhsilin təməlini qoymuş güneyli şəxsiyyətdir. Rüşdiyyə minlərlə problemlərə tuş gəlsə də İranda müasir təhsil sistemnin yaradılmasına nail olub. Məzarı isə Qum şəhərində yerləşməklə baxımsız qalaraq unudulmaqdadır. 

Taymaz

Açar Sözlər :

SEÇİLMİŞ XƏBƏRLƏR

Çox oxunanlar