Xalq Mücahidləri Təşkilatının 104 üzvü qiyabi mühakimə olunacaq

SON XƏBƏRLƏR

Xalq Mücahidləri Təşkilatının 104 üzvü qiyabi mühakimə olunacaq

2023.07.29, 12:52

Tehran Əyalətinin 1 Saylı Cinayət Məhkəməsi Xalq Mücahidləri Təşkilatının 104 üzvünün mühakiməsi məqsədi ilə ümumi bildiriş dərc edib.

Gunaz.tv

Bildirşdə onlardan özlərini müdafiə üçün vəkil təqdim etmələrini tələb edib.

Məhkəmə sisteminin Mətbuat Xidməti bildirib ki, təşkilat üzvlərindən tələb edilib ki, onlara qarşı təşkil olunmuş işin baxılması üzrə özlərini müdafiə məqsədilə vəkil təqdim etməlidirlər.

Bildirişdə deyilir: “Tehran şəhəri Ümumi və İnqilab Prokurorluğunun qoşmada adları verilmiş şəxslərə qarşı 140268430000373607 nömrəli 09.07.2023-cü il tarixli ittihamnaməsinə əsasən onlara cəza təyin edilməsi tələb olunub.

Müttəhimlərin yaşadıqları yer bəlli olmadığı, habelə onlara ittihamnamənin çatdırılması mümkün olmadığına görə, həmçinin onlara vurulmuş ittihamlar üzrə özlərini müdafiə etmək məqsədi ilə müdafiə vəkilinin təqdim oluması vacibliyini nəzərə alaraq bu bildirişlə elan olunur ki, həmin şəxslər bildirişin dərc olunduğundan 1 ay müddətinə öz qanuni vəkillərini bu məhkəməyə təqdim etməlidirlər.

Əks təqdirdə məhkəmə prosedurası qanuna uyğun davam etdiriləcək”.

Vurğulayaq ki, bildirişə qoşmada təşkilatın başçısı Məsud Rəcəvinin, təşkilatın indiki rəhbəri Rəcəvinin yoldaşı Məryəm Qəcər İzdanlu (Məryəm Rəcəvi kimi tanınır), habelə təşkilatın yüksək vəzifəli üzvlərinin, o cümlədən hazırda Milli Müqavimət Şurasının vəzifəliləridən olan və təşkilatın üzvü Mehdi Əbrişəmçi, 2011-ci ildən 2017-ci ilədək təşkilatın baş katibi olmuş Zöhrə Əxyaninin adları dərc olunub.

Qeyd edək ki, Xalq Mücahidləri Təşkilatının Albaniyada Əşrəf-3 adında düşərgəsinə bu ölkənin polis qüvvələri bir müddət əvvəl hücum edərək elektron texnika avadanlıqlarını müsadirə etmişdir.

Bu olayın Qərb ölkələrinin İranla nüvə məsələsi üzrə yumşaltma siyasətinin nəticəsi olduğu bildirilmişdir.

Təşkilatın tarixçəsində İran hökumətinin çoxlu sayda rəsmilərinin silahlı əməliyaytlarla vurulması və İranın İslami Şura Məclisinə 1979-cu ildə bomba yerləşdirməklə 72 əfər civarında deputatın öldürülməsi, habelə İran-İraq müharibəsində təşkilatın İraqda yerləşən silahlı milişiyasının İrana qarşı geniş miqyaslı hərbi əməliyyat keçirilməsini nəzərə alaraq bu mühakimə ilə onlara ölüm cəzası veriləcəyi ehtimal olunr.

İran rejimi bu hüquqi hərəkəti ilə beynəlxaql arenada özünə bəraət qazandırmaq niyyətindədir.

Xatırladaq ki, İranın rəsmi dövlət internet səhifələrinin qırılmasında, həmçinin rəsmi məxfi sənədələrini habelə məxfi hərbi bazalarının ifşa olunmasında bu təşkilatın hakerlərini böyük və əsas rolu olub.

Taymaz

GUNAZ.TV

SON XƏBƏRLƏR