Contact Us

SON XƏBƏRLƏR

Millət vəkili Urmu gölü ilə bağlı məlumatları qəbul etmir

2023.09.01, 12:03
Millət vəkili Urmu gölü ilə bağlı məlumatları qəbul etmir

Urmu şəhərinin İran parlamentindəki nümayəndəsi Salman Zakir Urmu gölündəki ekoloji fəlakət barədə yayılan məlumatlarla razılaşmır.

Gunaz.tv

O, mediaya verdiyi açıqlamada gölün quruması ilə bağlı məlumatların şişirdilmiş olduğunu iddia edirb.

"Urmu gölü qurumayıb, sadəcə onun su həcmi azalıb. Bu isə isti havalar və suyun sürətlə buxarlanmasına görədir",- millət vəkili bildirib.

Salman Zakir deyib ki, buna baxmayaraq gölün suyu ən aşağı səviyyədədir və bu nigaranlıq doğurur.

Qeyd edək ki, Salman Zakir bundan əvvəl dəfələrlə Urmu gölünün məhv olması ilə bağlı çıxışlar edib, ekoloji problemin milyonlarla insanın həyatını təhlükəyə atdığını deyib.

Son vaxtlar göldəki ekoloji durum və hakimiyyətin bərpa işlərini aparmaması ilə bağlı etiraz çıxışları və aksiyaların artması millət vəkilinin mövqeinin hakimiyyət xeyrinə dəyişməsinə səbəb olub.

Qeyd edək ki, Urmu gölünün normal ekoloji su həcmi 30 milyard kubmetrdən çox, minimum ekoloji su həcmi isə 15,5 milyard kubmetr olmalıdır.

Hazırda Urmu gölünün su həcmi 900 milyon kubmetrdən azdır.

Timur

Açar Sözlər :

SEÇİLMİŞ XƏBƏRLƏR

Çox oxunanlar