İranın cari ildə maliyyə qurumlarına borcunun miqdarı açıqlanıb

SON XƏBƏRLƏR

İranın cari ildə maliyyə qurumlarına borcunun miqdarı açıqlanıb

2023.10.13, 13:22

Beynəlxalq Valyuta Fondunun yeni statistikasına əsasən, İran dövlətinin ölkə üzrə maliyyə qurumlarına cari ildə borcu ölkənin 3 illik ümumi büdcəsinə bərabər olacaq.

Gunaz.tv

Fond Orta Şərq və Orta Asiyanın iqtisadi durumu barədə ən yeni dövri hesabatını oktyabrın 12-də nəşr edib. Proqnoza əsasən dövlətin cari ildə Mərkəzi Banka və digər maliyyə qurumlarına borcu ölkənin Ümumi Daxili Məhsulunun 30.6 faizinə qədər yüksələcək.

Bu miqdar isə 112 milyar dollar civarında olmaqla, 3 illik ümumi büdcəsyə bərabərdir. Fond həmçinin bildirib ki, İran dövlətinin gələn ildə borcu təxminən 6 milyar dollar artacaq.

“İran dövləti büdcə kəsrinin qarşısını ala bilmək üçün neftin qiyməti dünya bazarında 307 dollar olmalıdır. Bu rəqəm isə neftin dünya bazarında hazırkı qiymətinin 3 qatından da yuxarıdır.”-deyə Fond bildirib

Fondun statistikasına əsasən İranda inflyasiya əmsalı ötən il 45.8 faiz olmaqla, bu ilə 47 faziə yüksələcək. Bu fakt isə İranın Mərkəzi Bankının iqtisadi dayağı olmayan əskinas çap etməsinin artacağına dəlalət edir.

Qeyd edək ki, İranın cari iqtidarı və ötən hamiyyəti bücdə çatışmazlığını qarşılamaq məqsədi ilə bir neçə il əzində ölkənin mərkəzi bankı və sair maliyyə qurumlarından geniş miqyaslı borc götürüblər.

Bunun nəticəsi olaraq ölkədə nağd pul həcminin kəskin artması ilə qarşısı alınmaz inflyasiyaya gətirib çıxarıb.

Taymaz

GUNAZ.TV

SON XƏBƏRLƏR