"Yaxşı olardı ki, 10 ildən çox Azərbaycanda yaşayan, ailə quran güneylilərə vətəndaşlıq verilsin"-Əhməd Obalı

19.11.2022, 22:37

İranda başlayan etiraz aksiyaları fonunda millət vəkillərimiz güneydəki azərbaycanlılarla bağlı bir sıra təkliflər irəli sürüblər. Məsələn, Milli Məclisin son iclaslarında deputat Qənirə Paşayeva bildirib ki, güneydəki soydaşlarımız ana dilində təhsil ala bilmədikləri üçün Azərbaycana gəlib, burada oxumaq istəyirlər. Müraciət edirlər ki, onlara burada xarici tələbələr kimi baxılmasın, müəyyən güzəştlər tətbiq edilsin. Millət vəkili Fəzail Ağamalı da güney azərbaycanlıların ölkənin ali məktəblərində təhsil almasına şərait yaradılmasını təklif edib. Bu məqsədlə gələn ilin dövlət büdcəsindən təhsil sahəsinə ayrılan vəsaitdən 10-15 miyon manat məhz bu məqsədlər üçün nəzərdə tutulmasını istəyib. Hazırda ABŞ-da yaşayan güney azərbaycanlı mühacir, Günaz TV-nin qurucusu Əhməd Obalı isə sözügedən məsələ ətrafında danışıb.

Gunaz.tv Quote | Gunaz article

Əhməd Obalı bildirib ki, güneydəki soydaşlarımızın ölkəmizdə bir neçə ixtisas üzrə təhsil almaları həm Güney, həm də Qüzey Azərbaycan üçün faydalı olar: 

“Ramiz Mehdiyev söz sahibi olanda güneyli azərbaycanlılara çox maneələr törədirdi”
“Güney Azərbaycanda 30 milyondan çox azərbaycanlı yaşayır ki, ana dilində təhsil almaqdan məhrum olublar, ancaq fars dilində yazıb,oxumağa məcburdular. 

İki il bundan qabaq qəbul edilən yeni qanuna görə, azərbaycanlılar övladlarını birinci sinfə göndərməzdən əvvəl onlara mütləq fars dilini öyrətməlidirlər. 

Yəni bir ailə öz uşağına ana dilindən əvvəl fars dilini öyrətməlidir.

Bu, bizim milli dil və mədəniyyət baxımından nəslimizi kəsmək üçün qəbul edilmiş bir qanundur. Ona görə də Güneydə getdikcə bizim farslaşmağımız çoxalır. Həmçinin siyasi cəhətdən cavanlarımıza heç bir imkan verilmir. 

Buna görə də güneydən Bakıya gələn tələbələrin dil, tarix və siyasi elmlərdə təhsil amaları üçün şərtləri müəyyən qədər asanlaşdırmaq lazımdır. Gəlib orda dilimizi, ədəbiyyatımızı öyrənək, siyasi elmlərlə tanış olaq. 

Bunu Azərbaycan dövləti özü də görə bilər və ya hansısa bir xeyriyyə cəmiyyəti yaradıb, bu işə yardım etmək olar”. 
 
Müsahibimiz 90-cı illərdə İrandan Azərbaycana gəlib, buradan digər xarici ölkələrə üz tutan soydaşlarımızdan da danışıb:
 
“Güney Azərbaycanlılar daha çox 90-cı illərdə Quzey Azərbaycan üzərindən Avropaya üz tutdu. Həmin illərdə Azərbaycan çox ağır vəziyyətdə idi, öz müstəqilliyini yeni bərpa etmişdi, eyni zamanda, Rusiya və İranın yardım etdiyi Ermənistanın hücumunu dəf etmək üçün müharibə aparırdı. 

Ölkə iqtisadiyyatı çox zəif idi, istədiyi malı ala, neft-qazını sata bilmirdi. Müxtəlif müqavilələr imzalansa da, layihələrin həyata keçməsi, Azərbaycanın özünə gəlməsi üçün müəyyən zaman lazım idi. Həmin dövrdə də Azərbaycana gələn güneylilər ölkəyə yük olmaq istəmədikləri üçün Avropaya üz tuturdular. 

Sayları çox az olsa da, müəyyən hissəsi ölkəni tərk etmək istəmədi, Azərbaycanda qaldılar, ailə qurdular, ev-eşik sahibi oldular”. 
 
“Azərbaycan 2020-ci ildə öz torpaqlarını azad etdikdən sonra regionda və dünyada söz sahibi oldu, millir ruhumuz yüksəldi, başımız ucadı, özümüzə inamımız geri qayıtdı. İndi artıq fərqli şərait mövcuddur, xüsusilə də Azərbaycan prezidentinin İranla bağlı haqlı mövqeyi Güney Azərbaycana ruh verdi. 

Dünyanın istənilən nöqtəsində olan güneylilər artıq inanır ki, İlham Əliyev bütün azərbaycanlıların prezidentidir və onlara sahib çıxmaq istəyir. Bu, bizim üçün bayram əhvalı yaradıb” -  deyə Ə.Obalı vurğulayıb.
 
Müsahibimiz, həmçinin illərdir Azərbaycanda yaşayan güneyli soydaşlarımızın üzləşdiyi problemdən danışıb, bir neçə təklif irəli sürüb:
 
“Dünyada yaşayan azərbaycanlıları getdikcə Vətənə daha da yaxınlaşdırmaq lazımdır. Bir neçə il əvvəl eşitdik ki, dünyada yaşayan azərbaycanlılara “soydaş” kartı veriləcək və bu, çox önəmli idi. Simvolik də olsa, vətənimizin Azərbaycan olduğu göstəriləcəkdi. 

O baxımdan çox yaxşı ideya idi, amma təəssüf ki, icra olunmadı. Bu addımın gerçəkləşməsi üçün elə böyük xərc tələb olunmasa da, xaricdəki azərbaycanlılar üçün anlamı böyükdür. 
 
Azərbaycanda hazırda çox az sayda güney azərbaycanlı yaşayır, elə bir neçəsini mən şəxsən tanıyıram ki, 20 ilə yaxındır orada yaşasalar da, hələ də onlara vətəndaşlıq verilməyib. 

Qaçqın kimi yaşayırlar. Halbuki hansısa xarici ölkəyə getsəydilər, çoxdan vətəndaşlıq almışdılar. 

Xüsusilə Ramiz Mehdiyev ölkədə söz sahibi olduğu dövrdə, Prezident Aparatında işlədiyi müddətdə güneydən gələn azərbaycanlılar çox manelər törədirdi, problemlər yaradırdı. Artıq o yoxdur, Azərbaycan pezidenti güneylilərə dəstək vermək istəyir. 

Belə olan təqdirdə, çox yaxşı olardı ki, 10 ildən çox Azərbaycanda yaşayanlara, ailə quranlara vətəndaşlıq verilsin. Özlərini bu ölkənin vətəndaşı kimi hiss eləsinlər, ev ala, iş qura, başqa ölkələrə gedib-gələ bilsinlər, qaçqın olduqları üçün bunların heç birini edə bilmirlər. 

20 ildən çox Azərbaycanda qaçqın kimi qalmaları ürəkağrıdıcı mənzərədir. Belə bir məsələ var ki, həmin şəxsləri İran vətəndaşlıqdan məhrum elədiyi halda, sənəd gətirib Azərbaycanda vətəndaşlıq ala bilərlər. 

Ancaq İran heç kimə belə bir sənədi vermir. 

Arzu edirik ki, Prezidentimiz İlham Əliyevin də dediyi kimi, güneyli azərbaycanlılar oranı özlərinə Vətən bilsinlər, vətəndaş sayılsınlar”. (moderator.az)

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

Fransanın Tehrandakı səfiri İran XİN-ə çağırılıb

2022-12-01

gun az article

İranlı nazir həbs edilən etirazçıların xarici ölkələrin vətəndaşları olduğunu iddia edib

2022-12-01

gun az article

Tibb işçilərinin İrandan xaricə axını artıb

2022-12-01

gun az article

Fransa Parlamentinin aşağı palatası da Azərbaycana qarşı Qətnamə qəbul etdi

2022-11-30

gun az article

XİN rəhbəri: Ermənistan öhdəliklərini yerinə yetirmir, normallaşma prosesinə maneçilik törədir

2022-11-30

gun az article

Azərbaycan Ordusunun Kəlbəcərdəki mövqeləri atəşə tutulub

2022-11-30

gun az article

İranda öldürülən etirazçıların sayı açıqlanıb

2022-11-30

gun az article

Mühacir iranlılar Kaliforniyada aclıq aksiyası keçirib

2022-11-30

gun az article

İranın Bəndər Abbas şəhərində məhkum edam edilib

2022-11-30

gun az article

Ukraynada 20 mindən çox mülki şəxs həlak olub, ölkəyə 600 milyard avro ziyan dəyib

2022-11-30

gun az article

İranda həbsdə olan belçikalı aclıq aksiyası keçirir

2022-11-30

gun az article

Britaniyanın baş naziri İrandakı etirazlara münasibət bildirib

2022-11-30

gun az article

Çin nüvə başlıqlarının sayını 4 dəfə artıracaq

2022-11-30

gun az article

İran parlamenti etirazçılara qarşı cəzanı sərtləşdirməyi planlaşdırır

2022-11-30

gun az article

"İranın BMT-nın Qadınların Vəziyyəti üzrə Komissiyasından çıxarılması dekabrın 14-də səsə qoyulacaq"-"Reuters"

2022-11-30

gun az article

“Gender Bərabərliyi” İctimai Birliyi daha bir layihəni uğurla yekunlaşdırılıb

2022-11-29

gun az article

KİV: “NATO Ukraynaya “MiQ-29” və ya “F-16” qırıcıları verməyi nəzərdən keçirir”

2022-11-29

gun az article

İranda 3 yəhudi həbs edilib

2022-11-29

gun az article

Çavuşoğlu: Ukraynanın ədalətli sülhə ehtiyac var, Türkiyə buna çalışır

2022-11-29

gun az article

İsrail və Amerika "İrana hücum" təlimi keçirir

2022-11-29