İsrail İrana hava zərbələri endirib

SON XƏBƏRLƏR

İsrail İrana hava zərbələri endirib

2024.04.19, 08:08

İsrailin Hərbi Hava Qüvvələri İranın bir neçə bölgəsinə zərbələr endirib.

Gunaz.tv

Bu barədə beynəlxalq media məlumat yayıb.

Səhər saatlarına yaxın İsfahanın şimal qərb bölgəsində yerləşən hərbi aviabaza yaxınlığında güclü partlayışlar olduğu, hava hücumundan müdafiə sistemlərinin fəallaşdığı bildirilib.

Bununla yanaşı Təbrizdə də partlayış səsləri eşidilib.

İranın "Fars" və "Aftab News" agentlikləri məlumatı təsdiqləsələr də, təfərrüat barədə açıqlama verməyiblər.

Eyni halda İranın mərkəzi bölgələrində də bir neçə güclü partlayışın baş verdiyi qeyd edilib.

Partlayışlardan sonra Tehran, İsfahan, Şiraz, qərb, şimal qərb və cənub qərb bölgələrində bütün aviareyslər ləğv edilib.

Bununla yanaşı İran səmasından keçən təyyarələr marşrutlarını dəyişiblər.

C.N.N telekanalı adı açıqlanmayan ABŞ rəsmilərinə istinadən İsrailin İrana hava hücumu həyata keçirdiyini deyib.

"İsrail İrana hava zərbələri endirib, ancaq heç bir nüvə obyektinə zərər vurmayıb",- məlumatda qeyd edilib.

İran mediası İsrailin İranla yanaşı Suriya və İraq ərazilərinə də hava hücumunu etdiyini yazıb.

"Aftab news" saytı İsrailin F-35 hərbi təyyarələri vasitəsilə etdiyi hücumda İordaniya səmasından istifadə etdiyini iddia edib.

GünazTV

GUNAZ.TV

SON XƏBƏRLƏR