Contact Us

SON XƏBƏRLƏR

SON DƏQİQƏ: Avropa Parlamenti İran əleyhinə qətnamə qəbul edib

2024.04.25, 16:11
SON DƏQİQƏ: Avropa Parlamenti İran əleyhinə qətnamə qəbul edib

Cümə axşamı qəbul edilən qətnamədə Avropa Parlamenti üzvləri İranın İsrailə qarşı son pilotsuz təyyarə və raket hücumunu kəskin şəkildə pisləyir və İrana qarşı əlavə sanksiyaların tətbiqinə çağırır.

Gunaz.tv

İranın aprelin 13-14-də endirdiyi zərbələri pisləyən parlament eskalasiya və regional təhlükəsizliyə təhdidlə bağlı ciddi narahatlığını bildirir. Avropa Parlamentinin deputatları İsrail dövlətinin və onun vətəndaşlarının təhlükəsizliyinə tam dəstəyini bir daha təkrarlayır. Eyni zamanda İranın hücumu zamanı Livandakı Hizbullah və Yəməndəki Husi üsyançılarının Qolan Təpələri və İsrail ərazisinə qarşı eyni vaxtda həyata keçirdiyi raket atışlarını pisləyir.

İranın nüvə sazişindən irəli gələn hüquqi öhdəliklərinə israrla əməl etməməsi ilə Avropa Parlamentinin deputatları İran hakimiyyətini dərhal bu tələblərə əməl etməyə çağırır. Onlar həmçinin İranın girov diplomatiyasından istifadəni pisləyirlər. İran rejiminin əcnəbi vətəndaşların sövdələşmə predmeti kimi həbsdə saxlanmasını pisləyir. Avropa İttifaqı məhbusların ailələrinə daha yaxşı kömək edəcək və gələcəkdə girov alınma hallarının qarşısını almaq üçün daha effektiv şəkildə mübarizə aparacaq.

Qətnamə nəhayət Şuranın Yəmən sahillərində naviqasiya azadlığını qorumaq üçün Avropa İttifaqı Dəniz Qüvvələrinin “ASPIDES" əməliyyatına başlamaq qərarını alqışlayır, eyni zamanda İranı və onun nəzarəti altında olan qurumları keçən gəmilərdən əsir götürülmüş avropalı ekipaj üzvlərinin azad edilməsini və təhlükəsiz geri qaytarılmasını təmin etməyə çağırır.

Bu qətnamə 357 lehinə, 20 əleyhinə, 58 bitərəf olmaqla qəbul edildi.

 

 

GünazTV

 

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar