Fəaliyyəti Azərbaycan Milli Hərəkatına qarşı yönələn Ettelaat-a bağlı “AnaXəbər” saytı ilə kimlər əməkdaşlıq edir?

05.09.2018, 14:14

GünAz TV: İran İslam Cümhuriyyətinin Ettelaat Nazirliyi ilə işbirliyində olduğu görünən “AnaXəbər” saytı Azərbaycan Milli Hərəkatının tanınmış fəalları və təsiredici müxtəlif qruplarına qarşı yalan və böhtanla dolu məlumat yaymaqdadır.


Bu saytda dərc olunan yazılarda Azərbaycan Milli Hərəkatının başbilənləri, onların ailə üzvləri və Güney Azərbaycan Televiziyası (GünAz TV) kollektivinin ünvanına müxtəlif söyüşlər, gülünc və əsası olmayan müxtəlif ittihamlar irəli sürülür.


Bu əsassız və pərakəndə məlumatlar Azərbaycan Milli Hərəkatına sırınmış sözdə bəzi fəallardan alınır. Onların arasında təxribatçı “Çətəçilər” bandasının rolu xüsusi olaraq müşahidə olunur. Bu banda hər zaman Azərbaycan Milli Hərəkatı çərçivəsində fəaliyyət göstərən qüvvələr arasında fitnə yaratmaqla məşğul olub.


Etibarlı mənbələrdən əldə olunan məlumata görə, “Çətəçilər” bandasına mənsub olan bəzi təxribatçılar sözügedən saytla sıx əməkdaşlıq edir. Həmin şəxslər virtual aləmdə müxtəlif adlarla hesab açaraq Azərbaycan Milli Hərəkatı, həmçinin Türkiyə və Amerika Birləşmiş Ştatları kimi demokratik dövlətlərin əleyhinə təbliğat aparırlar.


Bundan əlavə, özünü şair və yazıçı adlandıran bir şəxs də həmin bandanın tələsinə düşərək Azərbaycan Milli Hərəkatının xaricdə yaşayan sadiq fəallarının şəxsi həyatı ilə bağlı İran kəşfiyyatına yalan məlumatlar ötürür. “AnaXəbər”-in həmin şəxsi  müdafiə etməsi, onun isə bu saytın hədəfləri istiqamətində internetdə məlumatlar paylaşması, onunla İranın təhlükəsizlik qüvvələri, xüsusi ilə də Ettelaat Nazirliyi və İslam İnqilabı Keşikçilər Korpusunun (“Sepah”) təhlükəsizlik bölümü arasındakı əməkdaşlığı göstərir.


Orta məktəbi bitirməyən, ölkədə yaşarkən Pedaqoji Kollecinin (Daneşsəra) məzunu kimi sözdə müəllim işləyən birisi, Milli Hərəkatda nifaq salmaq məqsədi ilə tapşırıq əsasında təxribat xarakterli yazılar yazmaqdadır. Sözügedən saytda GünAz TV-yə qarşı irəli sürülən gülünc ittihamlar bundan əvvəl saxta müəllim tərəfindən müxtəlif yerlərdə qeyd olunub. Bütün bunlar həmin şəxsin “AnaXəbər” saytı ilə yaxından əməkdaşlıq etdiyini göstərməkdədir.


Bütün bunlar, Milli Hərəkata sırınmış pozğun çətənin sərkərdəsi tərəfindən koordinasiya edilir. Həmin şəxs islam cümhuriyyətinin xeyirinə olaraq çirkli pulların yuyulması məqsədi ilə İrandan Türkiyəyə narkotik maddələr tranzit etməklə məşğuldur. Bu şəxs Azərbaycan Milli Hərəkatına daxil olduğu gündən paralel cərəyanlar yaratmaq, şantaj etmək, yalan şayiə yaymaq və Milli Hərəkatın bütün fəaliyyətlərini öz bandasının xeyirinə olaraq müsadirə etməklə məşğul olub.


İran İslam cümhuriyyətinin Ettelaat Nazirliyi ölkədəki böhranı həll etmək yerinə rejimi süqut etməkdən qurtarmaq üçün bütün üsullara əl atır. Azərbaycan Milli Hərəkatına sırınmış saxta fəallardan istifadə edərək Milli Hərəkatdakı qrup və düşərgələr arasında ixtilaf yaratmaq Ettelaat Nazirliyinin metodlarından biridir. Azərbaycan Milli Hərəkatını zəiflətmək məqsədi ilə onun sadiq fəalları davamlı olaraq Ettelaat əlatılarının təxribatı ilə üzləşir, onlara qarşı müxtəlif böhtan və ittihamlar irəli sürülür.


N.S

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
Şərhlər
Şərh Yaz
gun az article

Güney azərbaycanlı dəmir yolu işçiləri tətil aksiyasına başlayır

2022-01-27

gun az article

Qərbi Azərbaycanda istehsal müəssisələrinin çoxu fəaliyyətini dayandırıb

2022-01-27

gun az article

Urmu zindanında iki nəfər edam edilib

2022-01-27

gun az article

Ərdəbil əyalətinin su və kanalizasiya xətləri köhnədir

2022-01-27

gun az article

Məlikanda bir neçə hökumət məmuruna qarşı cinayət işi açılıb

2022-01-27

gun az article

Şərqi Azərbaycanda koronovirusun yeni ştammına yoluxanlar çoxalıb-Ölənlər var

2022-01-27

gun az article

Ərdəbildə yolların bağlı olması yeniyetmənin ölümünə səbəb oldu

2022-01-27

gun az article

Urmu gölünün sahəsi dahada kiçilib

2022-01-27

gun az article

Xoy zindanında saxlanılan milli fəal sərbəst buraxılıb

2022-01-27

gun az article

Qərbi Azərbaycanda 6 tarixi abidə milli əsərlər siyahısına salındı

2022-01-26

gun az article

Vali Azərbaycan Respublikasına səfərlə bağlı mətbuat konfransı keçirib

2022-01-26

gun az article

Həbsdə olan milli fəal Əlirza Fərşinin məzuniyyət müddəti uzadılıb

2022-01-26

gun az article

Ərdəbil kəndlərində su qıtlığı yaşanır-VİDEO

2022-01-26

gun az article

Qərbi Azərbaycanda yüzlərlə məktəb binası qəzalı vəziyyətdədir

2022-01-26

gun az article

Təbrizli millət vəkili naziri hiyləgərlikdə ittiham edib

2022-01-26

gun az article

Mebel istehsalçıları Urmu şəhərində etiraz aksiyası keçirib-VİDEO

2022-01-26

gun az article

Zənganda polis tərəfindən öldürülən qızın atası həbs edilib

2022-01-26

gun az article

Qərbi Azərbaycanda aqrar sektor böhranda: Məhsul anbarlarda qalıb, fermerlər müflis olub-VİDEO

2022-01-26

gun az article

Təhlükəsizlik idarəsinə çağırılan milli fəal Məhəmməd Eynidən xəbər yoxdur

2022-01-26

gun az article

Edama məhkum olunmuş güneyli məhbus Əhmədrza Calalinin durumu ağırlaşıb

2022-01-26