Puya Bəxtiyarinin 40 mərasimində iştirak edənlərdən çoxu həbs edilib

SON XƏBƏRLƏR

Puya Bəxtiyarinin 40 mərasimində iştirak edənlərdən çoxu həbs edilib

2021.10.20, 07:36

Gunaz.tv

GünAz TV: Ötən gün noyabr etirazlarında qətlə yetirilən Puya Bəxtiyarinin 40 mərasimində iştirak etmək üçün Kərəcin Səkinə qəbirsanlığına gedən insanlardan çoxu təhlükəsizlik qüvvələri tərəfindən həbs edilib.

Sosial şəbəkələrdə yayılan videolarda polis və təhlükəsizlik qüvvələrinin qəbirsanlığa zirehli və su səpən maşınlar yeritdiyi müşahidə edilir. Eləcə də, əksər videolarda təhlükəsizlik qüvvələrinin insanları həbs etdiyi əks olunub.

Bəzi görüntülərdə qəbirsanlığın üzərində təhlükəsizlik qüvvələrinə məxsus helikopterin uçduğu müşahidə edilir. Mərasimdə iştirak edənlər bildirirlər ki, qəbirsanlığın hər tərəfi poli, mülkü geyimli və təhlükəsizlik qüvvələri ilə əhatə olunmuşdu.

Yayılan məlumatlara əsasən, Dariyuş Mehrcuyi, Rəxşan Bənietemad, Cəfər Pənahi, Möhsün Əmiryusifi və Rza Dormişiyan kimi iranlı kinomatoqraf və aktyorlar da Puya Bəxtiyarinin 40 mərasimində iştirak ediblər.

Xatırladaq ki, ETTELAAT işçiləri dekabrın 23-də Puya Bəxtiyarinin evinə hücum edərək, onun valideynləri və bir neçə qohumunu həbs etmişdilər.

Yayılan digər xəbərlərdə ötən gün təhlükəsizlik qüvvələrinin 40 mərasimində iştirak edənlərdən çoxunu döyərək həbs etdiyi deyilir. İştirakçıların bir çoxu “diktatura ölüm”, “neçə ildir cinayət törədən vilayətə (vilayəti fəqih-red.) ölüm” və “saziş bağlamaq, qatil rəhbəri tərifləmək üçün insanlarımız ölmədi” kimi şüarlar səsləndiriblər.

Ötən gün ölkənin digər şəhərlərində də təhlükəsizlik qüvvələri küçə və prospektləri öz nəzarətlərində saxlayıblar. Yenidən rejimə qarşı etirazların qalxacağından qorxan rejim şəhərlərdə təhlükəsizlik qüvvələrinin sayını artırmaqla, insanları qorxu içində saxlamağa çalışır.

Ə.A