Sabir Rüstəmxanlı: “Prezidentliyə namizədliyimi irəli sürməyi düşünürəm”

2008-06-11 20:14

Sabir Rüstəmxanlı: “Prezidentliyə namizədliyimi irəli sürməyi düşünürəm” “Prezidentliyə namizədliyimin irəli sürülməsi barədə düşünürəm”. Bunu APA-ya açıqlamasında Vətəndaş Həmrəyliyi Partiyasının (VHP) sədri Sabir Rüstəmxanlı deyib. O bildirib ki, partiy

Gunaz.tv

Sabir Rüstəmxanlı: “Prezidentliyə namizədliyimi irəli sürməyi düşünürəm” “Prezidentliyə namizədliyimin irəli sürülməsi barədə düşünürəm”. Bunu APA-ya açıqlamasında Vətəndaş Həmrəyliyi Partiyasının (VHP) sədri Sabir Rüstəmxanlı deyib. O bildirib ki, partiya Ali Məclisinin bu ay keçiriləcək yığıncağında məsələyə münasibət bildiriləcək: “Hələlik seçkidə partiyanın hansı şəkildə iştirak edəcəyi barədə qərar verilməyib. Amma namizədliyimi irəli sürməyi düşünürəm. İstənilən halda qəti qərar verilməzdən öncə ölkədəki bütün proseslər, o cümlədən seçki qanunvericiliyi nəzərə alınacaq. Məsələ partiyada müzakirə olunmalıdır. Elə olmalıdır ki, seçki diaspora fəaliyyətimə problem yaratmasın”. 525 --------------------------------------------------------------- Türkiyə - Çexiya matçı dünya və Avropa çempionatlarının tarixinə düşə bilər Avropa çempionatları tarixində qrup mərhələsinin görüşlərində ilk dəfə penalti seriyası vurula bilər. “APA-SPORT” agentliyinin məlumatına görə, Avstriya və İsveçrədə keçirilən qitə birinciliyində Türkiyə - Çexiya matçının taleyini həll etmək üçün oyunsonrası penaltilərdən istifadə etmək ehtimalı var. Belə ki, UEFA turnirin əsasnaməsində etdiyi son dəyişikliklərdən sonra ¼ finala çıxan komanda məhz bu yolla müəyyənləşəcək. Bu dəfəki turnirdən etibarən yarışın əsanaməsində olan yenilik ilk dəfə Türkiyə - Çexiya görüşündə tətbiq edilə bilər. Əsas göstəriciləri bərabər olan hər iki milli komanda iyunun 16-da keçiriləcək 3-cü turda meydanı heç-heçə ilə tərk etməməlidir. Qarşılaşmanın 90 dəqiqəsi qalibi müəyyənləşdirməyəcəyi təqdirdə, penalti seriyasından istifadə olunacaq. Avropa çempionatının əsasnaməsindən 7.07. Qrup mərhələsində xalları bərabər olan komandaların yeri aşağıdakı göstəricilərə görə müəyyənləşir: a) öz aralarındakı oyunda daha çox xal toplayan b) öz aralarındakı oyunda daha yaxşı top fərqinə malik olan c) öz aralarındakı oyunda daha çox qol vuran d) qrupdakı bütün oyunlarda daha yaxşı top fərqinə malik olan e) qrupdakı bütün oyunlarda daha çox qol vuran f) 2006-cı il Avropa və 2008-ci il dünya çempionatlarının seçmə mərhələsində daha yaxşı əmsala malik olan komanda (toplanan xalların oyun sayına nisbəti) g) qrup mərhələsinin oyunlarına görə daha yüksək Fair Play göstəricisinə malik olan h) püşklə 7.08. Əgər xalları bərabər olan iki komanda son turda qarşılaşırsa və onların a-e bəndlərində nəzərdə tutulan göstəriciləri bərabərdirsə, həmçinin digər komandaların heç biri onlara çata bilmirsə pley-offa çıxan komanda əlavə vaxt oynanılmadan penaltilər seriyası ilə müəyyənləşir. İkidən artıq komandanın xalları eyni olarsa, a-h bəndlərinə əsasən yerlər müəyyənləşir.