Azərbaycan kütləvi qətllərə görə Ermənistanı Beynəlxalq Məhkəməyə verib

24.01.2023, 10:49

Azərbaycan hökuməti əsas iddia sənədini Beynəlxalq Ədalət Məhkəməsinə təqdim edib.

Gunaz.tv Quote | Gunaz article

Bu barədə XİN-dən məlumat verilib.

“Bu, İrqi Ayrı-seçkiliyin Bütün Formalarının Ləğv edilməsi haqqında Konvensiyaya uyğun olaraq ölkəmizin Ermənistana qarşı qaldırdığı beynəlxalq məhkəmə proseslərində mühüm inkişafdır.

Məhkəməyə təqdim edilmiş əsas iddia sənədi otuz illik ədalətsizliyi qeydə alan minlərlə səhifəlik dəlillərə əsaslanır. Sənəd, Ermənistan tərəfindən ən dəhşətli aktlardan biri olan etnik və milli mənsubiyyətə görə təmizləmə nəticəsində qətlə yetirilmiş, didərgin salınmış və zərər çəkmiş azərbaycanlılar haqqında ətraflı məlumatları ehtiva edir.

Ermənistanın qəsbkarlığı və Azərbaycanın beynəlxalq səviyyədə tanınan ərazilərinin qeyri-qanuni işğalı düşünülmüş və məqsədyönlü etnik təmizləmə siyasəti ilə müşayiət olunub.

2020-ci ilə qədər davam edən bu fəaliyyətin məqsədi Azərbaycan rayonlarının dağıdılması, talan edilməsi və istismarı yolu ilə ölkəmizin ərazisində erməni yaşayış məskəni yaratmaq məqsədi daşıyıb.

Azərbaycan 2020-ci ildə torpaqlarını azad etdikdən sonra sözügedən ərazilərdə dəlillərin genişmiqyaslı toplanması işini həyata keçirib. Ermənistanın yüz minlərlə insanın həyatını, saysız-hesabsız ailələri və icmaları, əvəzolunmaz mədəni irsi və ətraf mühiti məhv etməsinin miqyası həqiqətən də dəhşətlidir.

Ermənistanın etnik ayrı-seçkilik siyasəti və əməlləri, o cümlədən otuz ilə yaxın müddətdə ərazilərimizin qeyri-qanuni işğalı həmvətənlərimizin Azərbaycanın Qarabağ bölgəsindəki evlərinə qayıtmasına mane olub. 

Bugünədək yüz minlərlə azərbaycanlı məcburi köçkün hələ də öz keçmiş evlərinə qayıda bilmir. İşğal dövründə və 2020-ci ildə müharibədən sonra ərazilərdən geri çəkilərkən “yandırılmış torpaq” siyasətinin tərkib hissəsi kimi Füzuli, Ağdam, Cəbrayıl, Qubadlı, Zəngilan və Kəlbəcər kimi şəhərlər Ermənistan tərəfindən tamamilə dağıdılıb. 

Azərbaycan torpaqlarının Ermənistan tərəfindən 1991-ci ildə işğalından sonra Azərbaycanın Qarabağ bölgəsində yerləşən tikililərin 95 faizi yerlə-yeksan edilib.

Bu ayrı-seçkilik siyasətinə Ermənistanın mülki evləri və yaşayış məntəqələrini partlayıcı vasitələr və minalarla hədəfə alması da daxildir. 44 günlük Vətən Müharibəsinin başa çatmasından sonra mina partlayışlarında 282 azərbaycanlı həlak olub və ya ağır yaralanıb. Minalar Ermənistanın azərbaycanlı məcburi köçkünlərin geri qayıtmasına mane olmaq kampaniyasının mühüm elementi və ağır mirasıdır.

Azərbaycan tərəfi təqdim edilmiş müfəssəl sübutlar əsasında, azərbaycanlıların hüquqlarının geniş şəkildə pozulmasına görə Ermənistanın məsuliyyət daşıdığına dair vəsatətin təmin olunmasını məhkəmədən tələb edib.

Xüsusilə, etnik təmizləmə, o cümlədən qəsdən həyatdan və mülkiyyət hüququndan məhrumetmə, işgəncə, mədəni irsin məhvi, erməni əhalisi arasında azərbaycanlılara qarşı nifrətin təbliği və Ermənistanda nifrət zəminində yaradılmış silahlı qruplara dövlət yardımı ilə bağlı Ermənistan hökumətinin məsuliyyət daşıdığının bəyan edilməsi üçün müraciət ünvanlanıb”, – deyə məlumatda deyilir.

Azərbaycan tərəfinin müraciətində, həmçinin Ermənistanın itkin düşmüş azərbaycanlılara dair bütün məlumatları açıqlamaqla bağlı öhdəliklərini yerinə yetirməsinin, qanunsuz ələ keçirilmiş bütün əmlak və torpaqları azərbaycanlılara geri qaytarmasının, nifrət zəminində təbliğatı dayandırmasının və insan hüquqlarının otuz il ərzində pozulmasına görə məsuliyyətə cəlb olunmasının vacib olduğu vurğulanıb.

Vurğulanıb ki, Azərbaycan tərəfi sözügedən cinayətləri törədənlərin beynəlxalq hüquqi məsuliyyətə cəlb olunması istiqamətində bütün zəruri tədbirləri davam etdirəcək.

Ayxan

Post | Gunaz article thumb

Paylaş :

Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social Post | Gunaz article social
gun az article

“Azadlıq səsi”- “Azərbaycanın Tehrandakı səfirliyinə terrorun pərdəarxası” və “Xoy şəhərində zəlzələ”- VİDEO

2023-01-30

gun az article

Günaz.TV-də müzakirə: “Xoyda zəlzələ fəlakəti” -VİDEO

2023-01-30

gun az article

Güneyli rejissor Xoy zəlzələsi ilə bağlı çağırış etdi

2023-01-30

gun az article

Təbrizdə zəlzələdən zərər görənlərə yardım mərkəzi yaradılıb

2023-01-30

gun az article

Ərdəbil Universitetində Pişəvərinin fotoları yayıldı

2023-01-30

gun az article

Xiyavda işçilər etiraz aksiyası keçiriblər

2023-01-30

gun az article

Güneylilər Tehranda Azərbaycan səfirliyinin qarşısına gül çələngləri qoyub

2023-01-30

gun az article

Xoyda yenidən zəlzələ oldu

2023-01-29

gun az article

Güneyli xanım fəal həbsxanaya köçürülüb

2023-01-29

gun az article

Xoyda zəlzələ: İran dövləti güneyli soydaşlarımızı planlı şəkildə soyuqdan dondurur-VİDEO

2023-01-29

gun az article

Xoy zəlzələsində ziyan görənlərin sayı artıb-FOTOLAR

2023-01-29

gun az article

Xoydakı zəlzələnin törətdiyi fəsadlar-FOTOLAR

2023-01-29

gun az article

Tufarqanda güclü yanğın

2023-01-29

gun az article

“Dəyirmi masa”da müzakirə: “Azərbaycan böyükelçiliyinə silahlı saldırı”-VİDEO

2023-01-29

gun az article

Həmədanda hərbi hava qüvvələrinin bazasına hava hücum olub

2023-01-29

gun az article

Xoyda zəlzələdə ölən və yaralananların sayı açıqlanıb

2023-01-29

gun az article

İranda daha 4 məhkum edam edilib

2023-01-28

gun az article

Güneydə Azərbaycanla həmrəyliyə çağırış edilib

2023-01-28

gun az article

Təbrizdə milli fəal həbs edilib

2023-01-28

gun az article

Zənganlı fəal həbsxanaya köçürülüb

2023-01-28