Bu iddialar, Tehran hakimiyyətinin qətllə bağlı bir sıra həbslər həyata keçirdiyi zamana təsadüf edir. “New York Times” qəzetinin yazdığına görə, İranın yüksək rütbəli kəşfiyyat zabitləri, bir neçə hərbi məmur və qonaqevində fəaliyyət göstərən təxminən iyirmi nəfər Tehran rejimi tərəfindən həbs edilib.

İran və HƏMAS da daxil olmaqla, bölgədəki proksi qüvvələr yəhudi dövlətindən qisas alacağına söz versələr də, partlayışdan bəri İsrail Haniyənin ölümü ilə bağlı heç bir açıqlama verməyib.

“The Telegraph” iki iranlı rəsmiyə istinadla bildirib ki, ilkin plan Haniyəni may ayında helikopter qəzasında həlak olan İranın mərhum prezidenti İbrahim Rəisinin dəfn mərasimində Tehranda olarkən öldürmək olub. Bildirilir ki, əməliyyat binada çoxlu sayda insan olduğuna görə dayandırılıb.

Əvəzində, “British daily” qəzetində yayılan iddialara görə, xəfiyyələr binanın üç fərqli otağına partlayıcı yerləşdirərək İranı tərk etdilər. Hesabatda sitat gətirilən mənbələr bildiriblər ki, müşahidə kameralarının görüntüləri onların otaqdan otağa gizli hərəkət etdiyini göstərir. Bu bombalar xaricdən partlatdıldığı iddi edilir.

İslam İnqilabı Keşikçiləri Korpusunun rəsmisi bu qəzetə deyib: “İran rejimi indi Mossad-ın Ənsar əl-Mehdi təhlükəsizlik bölməsinin xəfiyyələri ilə əməkdaşlıq etdiyinə əmindir”.

Digər bir SEPAH rəsmisi açıqlaması zamanı bu ifadələri işlədib: “Bu, İran üçün alçaldıcı və böyük təhlükəsizlik pozuntusudur”. İran İslam İnqilabı Keşikçiləri Korpusu, Tehranın yüksək səviyyəli məhəlləsində, Haniyə və digər nüfuzlu şəxslərin qaldığı qonaqxananı idarə edir.

“Bunun necə baş verdiyi hələ də hamı üçün sualdır, mən bunu başa düşə bilmirəm. Görünən odur ki, bu qərar İerarxiyada ən yüksək mərtəbədən verilidiyi üçün heç kimin məlumatı yoxdur." - SEPAH rəsmisi açıqlaması zamanı bildirib.

Həm İran, həm də Həmas rəsmiləri Haniyənin havadan atılan, hətta ölkə hüdudlarından kənardan atılan raketlə öldürüldüyünü iddia ediblər. Lakin cümə axşamı günü baş verən qətllə bağlı sualı cavablandıran İDF sözçüsü Daniel Hagari bildirib ki, İsrail ordusu çərşənbə axşamından çərşənbəyə keçən gecə Hizbullahın hərbi komandiri Fuad Şükrün Beyrutda öldürülməsindən başqa heç bir hava hücumu həyata keçirməyib.

“Çərşənbə axşamı gecəsi Livanda zərbə endirdik və dəqiq hava zərbəsi ilə Fuad Şükrünü öldürdük. Vurğulamaq istəyirəm ki, həmin gecə bütün Yaxın Şərqdə başqa heç bir hava zərbəsi, nə raket, nə də İsrail pilotsuz uçan aparatı olmayıb və mən əlavə şərh verməyəcəyəm”, - Hagari mətbuat konfransında deyib.

Cümə axşamı günü səhər saatlarında “The New York Times” xəbər vermişdi ki, Haniyə və onun cangüdəninin ölümünə səbəb olan partlayış, təxminən iki ay əvvəl Rəisinin dəfn mərasimi zamanı Tehran qonaqevindəki otağına gizli şəkildə yerləşdirilən və uzaqdan idarə olunan partlayıcı vasitə ilə həyata keçirilib.

“The Telegraph” xəbərində bildirib ki, İranın Ali Lideri Əli Xameneinin partlayışdan bir neçə saat sonra İsrailə birbaşa zərbə endirmək əmri verdiyinə baxmayaraq, qisas almaqdan daha çox təhlükəsizlik pozuntusunu həll etmək vacibdir.

“The New York Times” şənbə günü araşdırma ilə tanış olan iki iranlıya istinadən İranın Haniyənin ölümü ilə əlaqədə şübhəli bilinən azı iyirmi nəfəri həbs etdiyini bildirib.

Həbs edilənlər arasında yüksək rütbəli İran kəşfiyyatçıları, hərbi rəsmilər və SEPAH-ın idarə etdiyi qonaq evinin əməkdaşları olduğu bildirilir.

İki İran rəsmisi “The New York Times”-a bildiriblər ki, İnqilab Keşikçiləri Korpusunun casusluq üzrə ixtisaslaşmış kəşfiyyat bölməsi təhqiqatı öz üzərinə götürüb və şübhəlilərin axtarışına başlayıb ki, onlar onu qətli planlaşdıran, ona kömək edən və həyata keçirən sui-qəsdçilər komandasının üzvlərini tez bir zamanda təyin edəcəklərindən əmindirlər.

“The Telegraph” xəbərində həmçinin, qətlin məqsədyönlü şəkildə yeni prezidentin reputasiyasına xələl gətirmək üçün Məsud Pezeşkianın andiçmə mərasimi ilə üst-üstə düşdüyü irəli sürülüb.

“Heç bir məntiqlə düşünən beyin bunun təsadüfən baş verdiyini qəbul edə bilməz, xüsusən də cənab Pezeşkianın vəzifəyə gəldiyi ilk gündə”, - Pezeşkiana yaxın mənbə bildirib. "O, vəzifədə olduğu ilk bir neçə gün ərzində İsraillə müharibəyə getməli ola bilər və bunun hamısı SEPAH-ın sayəsindədir."

GünazTV