Contact Us

SON XƏBƏRLƏR

ABŞ məhkəməsi iranlını casusluqda ittiham etdi

2024.09.28, 11:11
ABŞ məhkəməsi iranlını casusluqda ittiham etdi

ABŞ Federal Aviasiya Administrasiyasının keçmiş podratçısı, İra əsilli 42 yaşlı Abuzər Rəhməti İran hökumətinin təhlükəsizlik və kəşfiyyat qurumlarının xeyrinə agentilikdə, ABŞ-a qarşı fəaliyyətdə ittiham olunub.

Gunaz.tv

Bu barədə ABŞ Ədliyyə Nazirliyi məlumat yayıb.

Bildirilib ki, Virciniya ştatında yaşayan Rəhməti sentyabrın 27-də Kolombiya bölgəsində məhkəmədə hakim qarşısına çıxarılıb.

Əbuzər Rəhmətiyə təqdim edilən ittiham aktına əsasən, o, ən azı 2017-ci ilin dekabrından 2024-cü ilin iyun ayına qədər İranın dövlət rəsmiləri və kəşfiyyat agentləri ilə əlaqə saxlayıb, ABŞ-da sui-qəsd təşkil etmək üçün onlarla birgə plan qurub.

Bununla yanaşı Əbuzər Rəhmətinin İran kəşfiyyat orqanlarına əhəmiyyətli məlumatlar ötürmək üçün  saxta civi və yalan məlumatlarla podratçı qismində ABŞ-da işə götürülməyə nail olduğu vurğulanıb.

"Bu şəxs İslam Respublikasına milli təhlükəsizliyimiz üçün həyati əhəmiyyət kəsb edən həssas məlumatlar ötürmək niyyəti ilə Amerika agentliyinə sızmaqda ittiham olunur",- Kolombiya bölgəsinin hakimi Metiyu Kriyuz bildirib.

Bununla yanaşı bildirilib ki, Əbuzər Rəhməti 2009-2010-cu illərdə SEPAH-da zabit kimi xidmət edib və bu faktı ABŞ hökumətindən gizlədib.

Qeyd olunur ki, iranlı casus 2017-ci ildə İran təhlükəsizlik xidmətində işləmiş üksək rütbəli məmurla əlaqəyə girib və 4 ay sonra İrana səfər edib.

"Orada İran təhlükəsizlik təşkilatı ilə əməkdaşlıq barədə razılaşdıqdan sonra Amerikaya qayıdıb, ABŞ-ın günəş enerjisi sənayesi ilə bağlı həssas məlumatları əldə edib və İran hökumətinin rəsmisinə çatdırıb",- məlumatda deyilir.

ABŞ-nin Ədliyyə Nazirliyinin məlumatına əsasən Əbuzər Rəhməti yenidən İrana səfər edib və 2022-ci ilin may ayında ABŞ-a geri qayıtdıqdan sonra ölkənin günəş enerjisi, günəş panelləri, ABŞ hava limanları və ABŞ hava hərəkətinə nəzarət qüllələri haqqında ətraflı məlumat toplamağa başlayıb.

O, İranda olduğu vaxt qardaşını da bu işə cəlb edib və topladığı məlumatları onun vasitəsilə İranın təhlükəsizlik və kəşfiyyat məmurlarına çatdırıb.

Qeyd edək ki, İran casusu barədə hələlik qəti hökm çıxarılmayıb və onun mühakiməsi davam edir.

GünazTV

Açar Sözlər :

SEÇİLMİŞ XƏBƏRLƏR

Çox oxunanlar