Bayden vida nitqi ilə çıxış etdi

SON XƏBƏRLƏR

Bayden vida nitqi ilə çıxış etdi

2025.01.16, 13:02

ABŞ Prezidenti Co Bayden oval kabinetdən vida nitqi ilə çıxış edib. 82 yaşlı lider prezidentlik müddətinin yekunlarını ümumiləşdirib, nailiyyətlərindən danışıb, ABŞ və demokratiya qarşısında duran təhdidlər barədə xəbərdarlıq edib.

Gunaz.tv

GünazTV Globalinfo.az-a istinadən bildirir ki, Bayden çıxışına İsrail və HƏMAS arasında 8 aylıq fasiləsiz danışıqlardan sonra əldə edilmiş Qəzza sektorunda atəşkəs haqqında tarixi sazişdən bəhs etməklə başlayıb.

Xarici siyasətdəki nailiyyətlərindən danışarkən, Bayden Rusiyanı bir dəfə də olsun xatırlatmayıb. Prezident, bununla belə, onun dövründə ABŞ-nin NATO-nu gücləndirdiyini vurğulayıb.

“Ukrayna hələ də azaddır, biz Çinlə rəqabətimizdə onu üstələdik və daha bir çox şey”, – deyə o əlavə edib.

Vəzifə müddəti bitmək üzrə olan prezident, həmçinin təhdidlər, o cümlədən hakimiyyətdən sui-istifadə edən ifrat zəngin oliqarxiyanın inkişafı, iqlim dəyişikliyi və onunla mübarizə addımlarına qarşı müqavimət, süni intellektin amerikalıların hüquqları və həyat tərzi üçün riskləri, dezinformasiyanın artması və azad mətbuata təhdid barədə xəbərdarlıq edib.

O, ABŞ xalqı üçün əldə edilənlərlə fəxr etdiyini bildirib və yeni hökumətə uğurlar arzulayıb.

Xatırladaq ki, ABŞ-də prezident seçkisinin 60-cı turu noyabrın 5-də keçirilib, Donald Tramp qalib gəlib. Onun andiçmə mərasimi yanvarın 20-də keçiriləcək. Tramp ABŞ-nin 47-ci prezidenti olacaq.

Ş.E

GUNAZ.TV

SON XƏBƏRLƏR