Kiyev müttəfiqlərindən 50 min əsgər gözləyir

SON XƏBƏRLƏR

Kiyev müttəfiqlərindən 50 min əsgər gözləyir

2025.01.23, 13:57

Kiyev rəsmiləri hesab edirlər ki, Qərb müttəfiqləri Ukrayna sərhədində təhlükəsizliyi təmin etmək üçün təxminən 40-50 min əsgər göndərə bilər.

Gunaz.tv

GünazTV xəbər verir ki, bu barədə "Financial Times" məlumat yayıb.

“Kiyev və onun Qərb tərəfdaşları arasında müzakirələrdə iştirak edənlərin fikrincə, Ukrayna rəsmiləri hesab edir ki, 1000 kilometrlik cəbhə xətti boyunca təhlükəsizlik qüvvələri kimi fəaliyyət göstərən 40 mindən 50 minə qədər xarici əsgərin göndərilməsi mümkündür”, - deyə nəşr yazır.

Mütəxəssislərin fikrincə, 40 min əsgər asan hədəf olmamaq üçün kifayətdir. Bu qüvvələrin Böyük Britaniya, Fransa, Hollandiya, həmçinin Baltikyanı və Şimali Avropa ölkələrinin də daxil olduğu xüsusi koalisiya çərçivəsində yaradıla biləcəyi ehtimal edilsə də Qərb liderləri öz əsgərlərini müharibə təhlükəsi olan ölkəyə göndərməyə razılıq verməsi sual altındadır.

Ukrayna prezidenti Volodimir Zelenskyy Bloomberg-ə deyib ki, istənilən sülhməramlı qüvvələrin ABŞ-ın dəstəyinə ehtiyac duyacaq. Aydındır ki, müharibə davam etdikcə Ukrayna NATO-ya daxil ola bilməyəcək. Belə olan halda sülhməramlıların da iştirak edəcəyi bu plan Ukrayna üçün yeganə çıxış yoludur.

"Bu, Qərb liderlərin 2025-ci ildə verməli olacaqları ən kritik qərardır." - məlumatda deyilir.

Ş.E

GUNAZ.TV

SON XƏBƏRLƏR