Hakan Fidan: "İraq PKK-nı terror təşkilatı kimi tanımalıdır"

SON XƏBƏRLƏR

Hakan Fidan: "İraq PKK-nı terror təşkilatı kimi tanımalıdır"

2025.01.27, 13:07

Türkiyənin xarici işlər naziri Hakan Fidan bu gün İraqın paytaxtı Bağdada rəsmi səfər edib.

Gunaz.tv

GünazTV "TRT Haber"ə istinadən xəbər verir ki, nazir Fidan İraq baş nazirinin müavini və xarici işlər naziri Fuad Hüseynlə görüşüb.

Hakan Fidan həmkarı ilə görüşündə iki ölkə və regiona aid mühüm məsələləri ətraflı şəkildə müzakirə etmək fürsəti əldə etdiyini, Türkiyənin İraqla əlaqələrinə strateji baxımdan baxıldığını bildirib.

Hakan Fidan xatırladıb ki, prezident Rəcəb Tayyib Ərdoğan 2024-cü ildə İraqa tarixi səfər edib və bu səfər zamanı ikitərəfli münasibətləri davamlı şəkildə inkişaf etdirmək üçün 27 saziş və anlaşma memorandumu imzalanıb.

Fotoğraf: AA

İraqda davamlı sabitlik və rifahın bərqərar olması üçün tam təhlükəsizliyin təmin edilməsi lazım olduğunu qeyd edən Fidan əlavə edib:

"Son vaxtlar İraqla təhlükəsizlik və terrorla mübarizə sahəsində əldə etdiyimiz anlaşma bu kontekstdə çox dəyərlidir. Xüsusilə, terrora qarşı əməkdaşlıq, İŞİD və PKK ilə mübarizəmiz son dərəcə əhəmiyyətlidir. PKK terror təşkilatı qanunu pozur. İraqın suverenliyi və milli təhlükəsizliyini ciddi şəkildə təhdid edir. Nəhayət, PKK-nın hücumu nəticəsində şəhid olan əsgərlərə Allahdan rəhmət diləyirəm. PKK, Türkiyəni, İraqı və Suriyanı hədəf alır, bölgəmizin rahatlığı və rifahı üçün bütün imkanlarımızı birləşdirib, həm İŞİD-i, həm də PKK-nı məhv etmək məcburiyyətindəyik İraq odur ki, qadağan etdiyi təşkilat PKK-nı da terror təşkilatı kimi tanıyır”.

Ş.E

GUNAZ.TV

SON XƏBƏRLƏR