İranın qara günləri başlayır: Tramp Netanyahunu Ağ Evə dəvət etdi

SON XƏBƏRLƏR

İranın qara günləri başlayır: Tramp Netanyahunu Ağ Evə dəvət etdi

2025.01.29, 11:41

Ağ Ev çərşənbə axşamı bildirib ki, prezident Donald Tramp İsrailin baş naziri Benyamin Netanyahunu gələn həftə Ağ Evə dəvət edib.

Gunaz.tv

GünazTV xəbər verir ki, bu barədə İsaril mediası məlumat paylaşıb.

Bu dəvət ABŞ-ın Qəzzada 15 aylıq dağıdıcı müharibəni dayandıran atəşkəsi davam etdirmək üçün İsrail və HƏMAS-a təzyiq etdiyi bir vaxtda təsadüf edib. Müharibəyə son qoymağı hədəfləyən atəşkəsin daha çətin ikinci mərhələsi ilə bağlı danışıqlar gələn bazar ertəsi başlayır.

Ağ Ev tərəfindən Benyamin Netanyahuna göndərilən məktubuda deyilir ki, "İsrail və onun qonşularına necə sülh gətirə biləcəyimizi və ortaq düşmənlərimizə qarşı mübarizə səylərini müzakirə etməyi səbirsizliklə gözləyirəm".

Fevralın 4-də keçiriləcək görüş, təzyiq altında olan Netanyahu üçün bu illər ərzində Trampdan aldığı dəstəyi dünyaya xatırlatmaq və İsrailin müharibə aparmasını müdafiə etmək şansıdır.

İsrail ABŞ-dan ən çox hərbi yardım alan ölkədir və Netanyahu çox güman ki, Trampı Bayden administrasiyasının etdiyi kimi bəzi silah tədarüklərini dayandırmamağa çağırış edəcək.

Netanyahu həmçinin Trampdan İrana daha çox təzyiq göstərməsini və ərəb dünyasının ən güclü ölkəsi olan Səudiyyə Ərəbistanı ilə İsrail arasında tarixi normallaşma sazişinin əldə edilməsi üçün səylərin davam etdirilməsini istəyir.

Qeyd edək ki, vəzifəyə başlamazdan əvvəl Tramp özünün Yaxın Şərq üzrə xüsusi elçisi Steve Witkoffu Qəzzada mövcud atəşkəsə nail olmaq üçün təzyiq göstərmək üçün bölgəyə göndərirdi.

Lakin Netanyahu, HƏMAS-ın İsrailin Qəzzadan tamamilə çıxarılmasını və atəşkəsin ikinci mərhələsi ilə bağlı danışıqlarda tələblərini yerinə yetirmədiyi təqdirdə müharibəni davam etdirəcəyini bildirib.

Ş.E

GUNAZ.TV

SON XƏBƏRLƏR