Contact Us

SON XƏBƏRLƏR

“100 GÜN ƏRZİNDƏ...” – “Trampın etibarlı Ukrayna planı mövcuddur”

2025.02.01, 12:46
“100 GÜN ƏRZİNDƏ...” – “Trampın etibarlı Ukrayna planı mövcuddur”

ABŞ Prezidenti Donald Trampın Ukrayna üzrə xüsusi nümayəndəsi Keyt Kelloq iddia edir ki, Amerika liderinin komandası Ukrayna ilə bağlı danışıqlara başlamaq üçün etibralı plana sahibdir.

Gunaz.tv

GünazTV APA-ya istinadən xəbər verir ki, Kelloq bu barədə “Fox News-“a müsahibəsində bildirib.

Kelloqun sözlərinə görə, Tramp başa düşür ki, Ukrayna münaqişəsi beynəlxalq münasibətlər sferasında əsas məsələlərdən biridir.

“Əminəm ki, biz həqiqətən nəsə edə bilərik. Prezident Tramp bu səylərin önündə duracaq, o, sövdələşmələr üzrə ustadır. Əminəm ki, biz bunu Amerika vətəndaşları və dünya üçün edə bilərik. Məncə, hazırdırlar. Düşünürəm ki, Avropa da buna hazırdır”, - Kelloq vurğulayıb.

O  yaxın 100 gün ərzində Rusiya-Ukrayna müharibəsinin nizamlanmasında müəyyən irəliləyişin əldə ediləcəyini gözləyir.

"Demək istərdim ki, söhbət illərdən yox, aylardan gedir. İnanmaq istəyirəm ki, biz qısa müddətdə nəyəsə nail ola bilərik. Qısamüddətli deyəndə nəyi nəzərdə tuturam? Mən bunu artıq verilişlərinizin birində demişəm, daha doğrusu “Fox News”da. Mən 100 gündən sonra harada olduğumuzu müəyyən etmək istərdim: ya atəşkəs mərhələsində, ya da sülh mərhələsində. Məncə, hər şey məqsədə çatmaq sənəti ilə bağlıdır. Bu, prosesin dörd il uzandığı Əfqanıstanda gördüyümüz kimi olmamalıdır. Hər iki tərəf üçün qısamüddətli həll olmalıdır, ancaq onlar üçün deyil. Bu, ABŞ üçün yaxşıdır, dünya üçün faydalıdır", - o deyib.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar