Kəşfiyyat məlumatı YAYILDI: İran nüvə raketləri hazırlayır

SON XƏBƏRLƏR

Kəşfiyyat məlumatı YAYILDI: İran nüvə raketləri hazırlayır

2025.02.04, 14:19

İran gizli şəkildə 3000 km mənzilli nüvə raketləri hazırlayır.

Gunaz.tv

GünazTV xəbər verir ki, bu barədə “The Telegraph” Britaniya kəşfiyyatına istinadən yazır. İranın Milli Müqavimət Şurası (NCRI) əvvəllər Tehranın gizli uranın zənginləşdirilməsi obyektlərinin təfərrüatlarını ifşa etmişdi.

Qeyd edilib ki, nüvə raketləri Şimali Koreyanın Tehrana ötürdüyü raketlər əsasında hazırlanır. "Şimali Koreyanın aylar öncə İrana ötürdüyü raketlərin əsasında hazırlanan bu nüvə raketləri həm İsraili, həm də Avropanı vurmaq imkanına malikdirlər." - deyə məlumatda bildirilib. Xəbərdə raketin təsir dairəsini əks etdirən xəritə də yayımlanıb.

Şahrud şəhər mərkəzindən təxminən 35 km uzaqlıqda yerləşən Şahrud raket meydançası kimi tanınan sahədə İran Aerokosmik Qüvvələrinin mütəxəssisləri atış məsafəsi 3000 km olan "Ghaem-100" nüvə başlığı istehsalı üzərində işləyirlər. Bu mənzilə malik raketlər İrana öz ərazisindən Avropanın dərinliklərinə nüvə zərbələri endirməyə imkan verə bilər.

Iran is developing nuclear missiles at two sites with a range of 3,000km

İran İnqilab Keşikçiləri Korpusu həmçinin yaxın aylarda daha təkmil "Ghaem-105" raketlərinin sınaqdan keçirilməsi planlarını açıqlayıb. İranın Milli Müqavimət Şurası bildirir ki, raketlər rejimin iddia edilən nüvə raket proqramını gizlətmək üçün “peyk daşıyıcıları” kimi təsvir edilərək sınaqdan keçirilir.

Semnan şəhərindən təxminən 70 km cənub-şərqdə yerləşən ikinci sahə Şimali Koreya dizaynlarına əsaslanaraq hazırlanan "Simurq" raketlərini sınaqdan keçirmək üçün istifadə olunur.

Bu raket dizayn olaraq Şimali Koreyanın 18 metr hündürlüyündə olan "UNHA-1" raketinə bənzəyir və rəsmi Pxenyanın bildirdiyinə görə, kosmosa avadanlıq daşımaq üçün istifadə olunan raketdir. Sahənin əhəmiyyətli hissələri ərazinin şəkillərini çəkən kəşfiyyat peyklərindən gizlətmək üçün yerin altında yerləşir.

Sahələrdə çalışan işçilər Tehrandan və digər şəhərlərdən şəxsi avtomobilləri ilə əsas obyektlərdən onlarla kilometr aralıda yerləşən xarici perimetr qapısına gəlirlər. Maksimum təhlükəsizliyi təmin etmək üçün nəzarət-buraxılış məntəqəsindən işçilər İran İnqilab Keşikçiləri Korpusu tərəfindən avtobusla gətirilir.

Tehran heç vaxt indiki qədər zəif və müdafiəsiz olmayıb. Çarəsiz vəziyyətdə olan İran rejimi bununla da nüvə silahının inkişafını sürətləndirir.

Ş.E