Tramp göstəriş verdi: Bu halda İranı məhv edin!

SON XƏBƏRLƏR

Tramp göstəriş verdi: Bu halda İranı məhv edin!

2025.02.05, 12:22

ABŞ Prezidenti Donald Tramp müşavirlərinə Tehran tərəfindən ona qarşı sui-qəsd həyata keçiriləcəyi təqdirdə İranı məhv etmələri barədə göstəriş verib.

Gunaz.tv

GünazTV Axar.az-a istinadən xəbər verir ki, bunu Amerika Prezidenti DonaldTramp jurnalistlərə açıqlamasında deyib.

“Hökumət Tehrana maksimum təzyiq göstərəcək. Mən göstəriş vermişəm, əgər onlar bunu (sui-qəsd cəhdi) etsələr, məhv ediləcəklər, heç nə qalmayacaq”, - Tramp bildirib.

Qeyd edək ki, Federal təhlükəsizlik əməkdaşları illərdir ki, İranın Tramp və digər administrasiya rəsmilərinə qarşı təhdidlərini yaxından izləyir. Tramp İran İslam İnqilabı Keşikçiləri Korpusunun Qüds Qüvvələrinə rəhbərlik edən Qasım Süleymaninin 2020-ci ildə öldürülməsini əmr edib.

ABŞ Ədliyyə Departamenti noyabr ayında prezident seçkiləri öncəsi İranın Trampı öldürmək planının qarşısının alındığını açıqlamışdı. Departament iddia edib ki, İran rəsmiləri sentyabr ayında 51 yaşlı Fərhad Şakeriyə Trampı yaxından izləməyi və sonda ona qarşı sui-qəsd həyata keçirməyi tapşırmışdır. Şakeri hələ də İranda azadlıqdadır.

Qeyd edək ki, Tramp ötən gün İrana təzyiqi gücləndirmək barədə fərman imzalayıb.

Ş.E

GUNAZ.TV

SON XƏBƏRLƏR