Contact Us

SON XƏBƏRLƏR

Boris Conson: Ukrayna Qərbdən təhlükəsizlik zəmanəti almalıdır

2025.02.10, 12:16
Boris Conson: Ukrayna Qərbdən təhlükəsizlik zəmanəti almalıdır

Böyük Britaniyanın keçmiş baş naziri Boris Conson Ukraynanın Qərbdən real təhlükəsizlik zəmanəti almalı olduğunu bildirib. O, qeyd edib ki, əks halda müharibə Putinin qələbəsi ilə başa çatacaq.

Gunaz.tv

"Daily Mail" xəbər verir ki, B.Conson Qərbin Rusiyaya qarşı daha sərt mövqe tutmalı olduğunu bildirib.

Onun sözlərinə görə, bu məsələdə Donald Tramp mühüm rol oynaya bilər.

Keçmiş baş nazir ərazi güzəştlərinin müharibəni dayandıra bilməyəcəyini bildirib. O vurğulayıb ki, Ukrayna təkcə torpaq deyil, gələcəyi uğrunda mübarizə aparır.

Consonun sözlərinə görə, Putin ukraynalılara “Qərb sizi tərk edib” mesajını verməyə çalışır və buna yol vermək olmaz. O, silah tədarükündəki ləngimələrin aradan qaldırılmasının vacibliyini də qeyd edib.

Bundan əlavə, Conson Ukraynanın yenidən qurulması üçün dondurulmuş Rusiya aktivlərindən istifadə edilməsini təklif edib. O, Avropanın Ukraynanın Aİ və NATO-ya üzvlüyünü açıq şəkildə dəstəkləməli olduğunu bildirib.

"Müharibə yalnız Putin Ukraynanın bir daha onun nəzarətinə keçməyəcəyini anlayan zaman bitəcək", – deyə Conson qeyd edib.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar