Contact Us

SON XƏBƏRLƏR

Tramp Putinlə nəyi müzakirə etdi?

2025.02.10, 12:31
Tramp Putinlə nəyi müzakirə etdi?

ABŞ Prezidenti Donald Tramp Rusiya lideri Vladimir Putinlə telefonla danışdığını bildirib.

Gunaz.tv

Donald Tramp telefon danışığından sonra "New York Post"-a verdiyi açıqlamasında bildirib ki, Rusiya lideri insanların ölməsinin dayanmağını görmək istəyir.

ABŞ prezidenti Donald Tramp rusiyalı həmkarı Vladimir Putinlə Moskvanın Ukraynadakı müharibəsinə son qoyması ilə bağlı artıq bir neçə telefon danışığı apardığını açıqlayıb. ABŞ prezidenti Putinlə neçə dəfə danışdığını açıqlamayacağını bildirib, lakin əlavə edib ki, onların “yaxşı münasibətləri” var.

"Gəlin bu görüşləri keçirək. Onlar (Ukrayna və Rusiya liderləri) görüşmək istəyirlər. Hər gün insanlar ölür. Gənc yaraşıqlı əsgərlər öldürülür. Hər iki tərəfdən oğullarım kimi gənclər həyatlarını itirir. Bütün döyüş meydanında bu baş verir. Bu müharibə çox dəhşətlidir. Mən bu lənətə gəlmiş müharibəni bitirmək istəyirəm", - Tramp əlavə edib.

 

"The Washington Post" milli təhlükəsizlik müşaviri Michael Waltz-ın müsahibə zamanı prezidentə qoşulduğunu bildirdi.

Waltz Trampın Putinlə danışdığını təsdiqləməsə də, bazar günü "NBC"-yə verdiyi müsahibədə bildirib ki, çox həssas danışıqlar gedir. "Yüksək rütbəli ABŞ diplomatları bu həftə Avropada olacaqlar, bu müharibəni necə bitirmək barədə təfərrüatları müzakirə edəcəklər və bu, hər iki tərəfi masaya oturtmaq demək olacaq".

Kremlin sözçüsü Dmitri Peskov Tramp-Putin danışıqlarının baş tutduğunu nə təsdiq, nə də təkzib edib.

“Moskva ilə Vaşinqton arasında ünsiyyət müxtəlif kanallar vasitəsilə baş verir”, o əlavə edib.

 

 

Şahin Elxanoğlu

 

Açar Sözlər :

SEÇİLMİŞ XƏBƏRLƏR

Çox oxunanlar