KİV: Tramp Putindən İranın nüvə danışıqlarında vasitəçi olmasını istəyib

SON XƏBƏRLƏR

KİV: Tramp Putindən İranın nüvə danışıqlarında vasitəçi olmasını istəyib

2025.03.04, 16:21

Putin Trampın İranla nüvə danışıqlarında vasitəçilik etmək istəyi ilə razılaşıb.

Gunaz.tv

GünazTV APA-ya istinadən xəbər verir ki, bu barədə "Bloomberg" məlumat paylaşıb.

Rusiya ABŞ Prezidenti Donald Trampın administrasiyasına nüvə məsələləri və regional proksilərlə bağlı İranla əlaqə kanallarının yaradılmasında kömək etməyə razılaşıb.

Tramp fevralın 12-də telefon danışığında bununla bağlı fikrini birbaşa Rusiya Prezidenti Vladimir Putinə çatdırıb.

Məlumata görə, bununla bağlı müzakirələr Tramp və Putinin telefon danışığından sonra Səudiyyə Ərəbistanında ABŞ və Rusiya rəsmiləri arasında görüşlər zamanı aparılıb.

Kremlin sözçüsü Dmitri Peskov “Bloombergə” bildirib ki, ABŞ və İran danışıqlar aparmalıdır, onlar kömək etməyə hazırdırlar: “Rusiya hesab edir ki, ABŞ və İran bütün problemləri danışıqlar yolu ilə həll etməlidir. Moskva buna nail olmaq üçün əlindən gələni etməyə hazırdır”.

“Bloomberg“in məlumatına görə, nə Rusiya, nə də İran bu sorğunu açıq şəkildə təsdiq və ya təkzib edib. Ağ Ev rəsmiləri isə məsələ ilə bağlı hələ ki şərh verməyib.

İran Xarici İşlər Nazirliyinin sözçüsü İsmayıl Bəqai ötən gün keçirdiyi mətbuat konfransında Rusiyanın potensial vasitəçiliyi ilə bağlı suala cavab olaraq bildirib ki, ölkələrin yardım təklif etməsi təbiidir.

Ş.E

GUNAZ.TV

SON XƏBƏRLƏR