Contact Us

SON XƏBƏRLƏR

Ukrayna dünyada ən çox silah alan ölkədir

2025.03.10, 18:00
Ukrayna dünyada ən çox silah alan ölkədir

2020-2024-cü illərdə Ukrayna dünyada silahların ən böyük idxalçısına çevrilib. 2015-2019-cu illərlə müqayisədə onun idxalı 100 dəfəyədək artıb.

Gunaz.tv

GünazTV “AzPolitika”-ya istinadən xəbər verir ki, bunu Stokholm Beynəlxalq Sülh Araşdırmaları İnstitutu (SIPRI) martın 10-da açıqladığı hesabatda bildirir.

 

Rusiya 2022-ci ilin fevralında Ukraynaya qarşı tammiqyaslı işğala başlayandan azı 35 ölkə Ukraynaya silah göndərib. Ukrayna 2020-24-cü illərdə dünyada silah idxalının 8.8 faizini qəbul edib. Ukraynaya silah, əsasən, ABŞ (45 faiz), Almaniya (12 faiz) və Polşadan (11 faiz) gedib.

"Silah transferlərinə dair yeni rəqəmlər Avropa ölkələri arasında Rusiyanın təhdidinə cavab olaraq yenidən silahlanmanı aşkar göstərir. Amma Səudiyyə Ərəbistanı, Hindistan və Çin kimi böyük silah idxalçılarının idxal həcmlərində müxtəlif səbəblərdən böyük düşüşlər baş verib", – bunu SIPRI-da Silah Transferləri Proqramının proqram direktoru Metyu Corc deyib.

NATO-nun üzvü olan Avropa ölkələrinin silah idxalı son beş ildə əvvəlki uyğun dövrlə müqayisədə iki dəfədən çox (+105 faiz) artıb. Bu silahların 64 faizini ABŞ təchiz edib.

 

 

Ş.E

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar