Ağ Ev: Ukraynaya kəşfiyyat və hərbi yardımı bərpa etdik

SON XƏBƏRLƏR

Ağ Ev: Ukraynaya kəşfiyyat və hərbi yardımı bərpa etdik

2025.03.13, 13:28

Fevralın 28-də Oval kabinetdə prezident Donald Tramp, vitse-prezident J.D.Vens və Ukrayna prezidenti Volodimir Zelenski arasında aparılan müzakirələrdən sonra Ukraynaya kəşfiyyat dəstəyi və hərbi göndərişlər dayandırılıb.

Gunaz.tv

Tramp görüş zamanı Zelenskinin “Amerika xalqına hörmətsizlik etdiyini”, Zelenski isə üzr istəmək üçün heç bir səhv etmədiyini bildirib.

Digər tərəfdən, ABŞ Mərkəzi Kəşfiyyat İdarəsinin direktoru Con Ratkliff Tramp və Zelenski arasında Oval Ofis müzakirəsindən sonra bu ölkəyə kəşfiyyat dəstəyi və hərbi göndərişləri müvəqqəti olaraq dayandırdıqlarını təsdiqləsə də, bunun müvəqqəti olduğunu vurğulayıb.

Çərşənbə axşamı axşam Konqresdə danışan Tramp Zelenskinin ona məktub göndərdiyini və Ukraynanın nadir torpaqlar haqqında sazişi imzalamağa və sülh danışıqlarına getməyə hazır olduğunu bildirib. Trampın xüsusi nümayəndəsi Steve Witkoff, sözügedən məktubda Zelenskinin üzr istədiyini bildirib.

Kiyevin 30 günlük atəşkəsə yaşıl işıq yandırmasından sonra Donald Tramp administrasiyası Ukraynaya kəşfiyyat dəstəyi və müdafiə yardımı axınını bərpa edib, Ağ Ev təsdiqləyib.

Milli Təhlükəsizlik Şurasının sözçüsü Ceyms Hevit isə bildirib ki, Səudiyyə Ərəbistanında ABŞ-Ukrayna danışıqlarında əhəmiyyətli irəliləyiş əldə edildikdən sonra Ukraynaya hərbi yardımı tam şəkildə bərpa ediblər.

Şahin Elxanoğlu

GUNAZ.TV

SON XƏBƏRLƏR