Ukrayna Rusiya ərazisinə girdi: şiddətli döyüşlər gedir

SON XƏBƏRLƏR

Ukrayna Rusiya ərazisinə girdi: şiddətli döyüşlər gedir

2025.04.08, 12:21

Belqorod vilayətinin sərhədində Rusiya və Ukrayna ordusu arasında şiddətli döyüşlər davam edir.

Gunaz.tv

GünazTV Globalinfo.az-a istinadən xəbər verir ki, bu barədə Rusiya KİV-lərində məlumat yayılıb.

Bildirilib ki, gecə saatlarında Ukrayna qrupları sərhədi keçməyə cəhd edib:

“Səhər isə onlar zirehli texnika ilə hücuma keçib. ABŞ-ın “Abrams” tanklarından biri Sumı rayonunun Turya kəndi yaxınlığında məhv edilib. Demidovka və Popovka kəndlərində ukraynalı döyüşçülər meşə zolaqlarından kənara çıxmağa çalışıblar. Bu ərazilərdə artilleriya və pilotsuz təyyarələr fəal şəkildə fəaliyyət göstərir. Ukrayna Silahlı Qüvvələri bir gün ərzində Belqorod vilayətinə 100-dən çox mərmi atıb və 15 pilotsuz uçan aparatdan istifadə edib”.

Qeyd olunub ki, Kursk vilayətində sərhəd yaxınlığında yalnız Oleşnya və Qornal yaxınlığındakı kiçik ərazilər Kiyevin nəzarətində qalıb:

“Oleşnya ilə Quevo arasındakı meşə zolaqları rusların nəzarətinə keçib. Həmçinin Rusiya Yunakovkaya yaxınlaşaraq Basovkanı ələ keçirib. Ukrayna Silahlı Qüvvələri Oleşnya və Quevodan demək olar ki, tamamilə çıxarılıb – onların orada cəmi bir mövqeləri qalıb. Sumı bölgəsində geniş cəbhədə hücum davam edir”.

Qeyd edək ki, Ukrayna Prezidenti Volodimir Zelenski dünən qüvvələrin Belqorodda əməliyyatlar apardıqlarını təsdiqləyib.

Ş.E

GUNAZ.TV

SON XƏBƏRLƏR