Contact Us

SON XƏBƏRLƏR

Rəsmi Tehran Amerikaya üç-mərhələli razılaşma təklif etdi

2025.04.18, 13:59
Rəsmi Tehran Amerikaya üç-mərhələli razılaşma təklif etdi

Tehrandakı üç diplomatik mənbə bildirib ki, şənbə günü Omanda danışıqlar zamanı İran ABŞ nümayəndə heyətinə sanksiyaların ləğvi müqabilində uranın zənginləşdirilməsinə məhdudiyyət qoyulmasını nəzərdə tutan üç mərhələli plan təklif edib.

Gunaz.tv

Planı üç saatlıq danışıqlarda İranın xarici işlər naziri Abbas Əraqçi ABŞ prezidenti Donald Trampın xüsusi nümayəndəsi Stiv Vitkoffa yazılı şəkildə təqdim edib.

Diplomatik mənbələr bildiriblər ki, Tehran birinci mərhələdə ABŞ tərəfindən dondurulmuş maliyyə aktivlərinə çıxış və neftini ixrac etmək icazəsi müqabilində uranın zənginləşdirilməsi səviyyəsini müvəqqəti olaraq 3,67%-ə endirməyi təklif edib.

Mənbələr əlavə edib ki, ikinci mərhələdə, ABŞ İrana qarşı əlavə sanksiyaları aradan qaldırsa və Britaniya, Almaniya, Fransanı BMT-nin Tehrana qarşı sanksiyalarından imtina etməyə inandırarsa, İran yüksək səviyyəli zənginləşdirməni birdəfəlik dayandıracaq. Bununla eyni zamanlı olaraq Birləşmiş Millətlər Təşkilatının nüvə nəzarəti orqanının yoxlamalarını bərpa edəcək.

Bu mərhələdə İran BMT-nin nüvə nəzarəti orqanına qəfil yoxlamalar aparmağa imkan verən əlavə saziş olan Əlavə Protokolun icrasını öhdəsinə götürəcək.

Üçüncü və son mərhələdə ABŞ Konqresi nüvə sazişini təsdiqləyərsə, Vaşinqtonun həm əsas, həm də ikinci dərəcəli sanksiyaları ləğv edərsə, İranın yüksək zənginləşdirilmiş uran ehtiyatlarını üçüncü ölkəyə təhvil verməyi qəbul edə bilər.

Qeyd edək ki, İran nüvə silahı əldə etmək cəhdini davamlı olaraq inkar edir və ABŞ kəşfiyyatı Tehranın nüvə silahı yaratmaqda tərəddüd çəkdiyinə inanır, lakin Tramp administrasiyası İrana xəbərdarlıq edib ki, nüvə sazişinə gəlməlidir, əks halda hücumla üzləşəcək.

Şənbə günü Romada keçiriləcək ikinci raund İranın razılaşma üçün planını təqdim etdiyi ilk raunddan daha çətin ola bilər.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar