Katolik dünyasının yeni lideri kim olacaq?

SON XƏBƏRLƏR

Katolik dünyasının yeni lideri kim olacaq?

2025.04.21, 13:33

Roma Papası Fransiskin vəfatından sonra Vatikan yeni Papa seçmək üçün ənənəvi konklav prosesinə başlamalı olacaq.

Gunaz.tv

GünazTV Teleqraf-a istinadla xəbər verir ki, papa vəfat etdikdə və ya istefa verdikdə katolik kilsəsi yeni liderini seçmək üçün gizli və ciddi bir seçim prosesinə girir.

Seçkilər Sistine Kapellasında Kardinallar Kollegiyası tərəfindən gizli şəkildə keçirilir, bu da bütün katolik dünyası üçün mühüm bir hadisə kimi qiymətləndirilir.

Papa seçilməsi üçün keçirilən konklav prosesində yaşı 80-dən az olan kardinallar iştirak edə bilər. Hazırda Vatikanın 252 kardinalı var, amma seçkilərdə onlardan yalnız 138-i iştirak edə bilər.

Yeni papa kim olacaq sualı isə hələ ki, cavabsız qalır. Olduqca mürəkkəb və tarixi əhəmiyyətə malik olan bu proseslə bağlı müxtəlif spekulyasiyalar mövcuddur.

Əsas müzakirə olunan kardinallar arasında Vatikanın hazırkı dövlət katibi Pietro Parolin, Qanadan olan Peter Turkson (Pontifikal Ədalət və Sülh Şurasının sabiq prezidenti) və Luis Antonio Tagle (Evangelizasiya Yepiskopluğunun İlk Evangelizasiya Bölməsinin Pro-Prefekti və Təqdis Edilmiş Dinlər üzrə Diskaseriallararası Komissiyanın sədri) yer alır.

Xatırladaq ki, Roma Papası Frensisk uzun sürən xəstəlikdən sonra 89 yaşında vəfat edib.

Uzun illər yepiskop və kardinal kimi xidmət etdikdən sonra 2013-cü ilin mart ayında Roma Papası seçilib və katolik kilsəsinin tarixində Avropadan kənarda seçilən ilk papa olub.

O, sosial ədalət, yoxsulluğun azaldılması, ətraf mühitin qorunması və dinlərarası dialoq sahələrindəki çağırışları ilə yadda qalıb.

GUNAZ.TV

SON XƏBƏRLƏR