SON XƏBƏRLƏR

Reuters: Putin ilk dəfə Ukrayna ilə birbaşa danışıqlar təklif etdi

2025.04.22, 13:24
Reuters: Putin ilk dəfə Ukrayna ilə birbaşa danışıqlar təklif etdi

Rusiya Prezidenti Vladimir Putin müharibə başlayandan sonra ilk dəfə Ukraynaya ikitərəfli danışıqlar təklif edib.

Gunaz.tv

GünazTV Teleqraf-a istinadla xəbər verir ki, bu barədə “Reuters” agentliyi məlumat yayıb.

Nəşr yazır ki, Ukrayna Prezidenti Volodimir Zelenski Putinin təklifinə cavab verməsə də, atəşkəslə bağlı istənilən danışığa hazır olduğunu bildirib.

Qeyd olunur ki, Rusiya liderinin bəyanatı ABŞ-nin təzyiqi fonunda verilib. ABŞ Dövlət katibi Marko Rubio ötən həftəsonu bəyan eləmişdi ki, qarşıdakı günlərdə atəşkəslə bağlı danışıqlarda nəticələr olmasa, Vaşinqton vasitəçilik səylərini dayandıracaq.

Putinin bəyanatına gəlincə, o belə demişdi: “Biz istənilən sülh təşəbbüslərinə müsbət yanaşırıq. Ümid edirik ki, Kiyev rejiminin nümayəndələri də eyni şeyi istəyirlər”.

2022-ci ilin fevralında Rusiya-Ukrayna müharibəsinin ilk günlərindən bəri tərəflər arasında birbaşa danışıqlar aparılmayıb.

 

 

Ş.E

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar