Ölkənin ən böyük konteyner limanı olan Şəhid Rəcai limanını viran qoyan partlayış ölkənin idxal-ixrac qabiliyyətinin yarıdan çoxunu dayandırıb.

Peyk görüntüləri, partlayışın episentri olan Sina həyətinin 6 km radiusda tamamilə dağıldığını göstərir. Ərazi Amerikanın sanksiyaya məruz qaldığı, "Mostazafan" Fondunun törəmə şirkəti olan "Sina Marine and Port Services" tərəfindən idarə olunur.

Amerikanın da sanksiya etdiyi çox milyardlıq bir konqlomerat olan "Mostazafan" Fondu Ali Rəhbər Əli Xamenei tərəfindən idarə olunur və İslam İnqilabı Keşikçiləri Korpusu (SEPAH) ilə sıx əlaqələrə malikdir.

Partlayışın yaratdığı güclü tüstü səbəbindən bəzi görüntülər qismən gizlədilib.

 

1- Sina həyəti: 15 hektar

Peyk görüntüləri göstərir ki, təxminən 15 hektar ərazini əhatə edən Sina həyəti tamamilə dağılıb. Şəkillərdə parçalanmış konteynerlər aydın görünür. Sina həyəti limanın çıxış və darvaza nəzarətindən təxminən 800 metr və birinci terminadan təxminən 1400 metr aralıda yerləşir.

Həyətin şimal-qərb tərəfində yerləşən “Sina Dəniz və Liman Xidmətlərinin İnkişafı” şirkətinin inzibati binası tamamilə dağılıb.

 

2- Xəzər Qəşm Şirkəti: 10 hektar

Sina həyətinin şərqində, 10 hektar ərazini əhatə edən “Xəzər Qəşm” şirkətinin ərazisi yerləşir, o da demək olar ki, tamamilə dağıdılıb. Partlayışın episentrindən təxminən 500 metr aralıda şirkətin anbarının damı tamamilə uçub.

 

3- Şəhid Rəcai liman gömrük idarəsi: 5 hektar

Sina həyətinin cənubunda Rəcai limanının inzibati binaları yerləşir. Peyk görüntüləri dağıntıların dayanacaq ərazisinə qədər 300 metrə qədər uzandığını göstərir. Bu zona boşaldılıb və səpələnmiş dağıntılar görünür.

Görüntülərdə partlayış mərkəzindən 400 metr aralıda yerləşən binanın damının da inzibati ərazidə uçduğu görünür.

 

4- Onik sahəsi: partlayışdan 500 metr

Partlayışın yaratdığı dağıntılar Sina həyətindən 500 metr şimalda, Onik həyətində də görünür.

 

5- Təhlükəli maddələr zonası: 1300 metr məsafədə

Rəcai limanının açıqladığı xəritəyə görə, təhlükəli materialların saxlanması üçün təyin olunmuş ərazi (5-ci zona kimi qeyd olunur) partlayış mərkəzindən təxminən 1300 metr aralıdadır. Bu təhlükəli materiallar zonasında dağıntı müşahidə edilmir.

 

6- Neft məhsullarının saxlanması üçün çənlər

Partlayış yeri olan Sina binasından neft məhsullarının anbar sahəsinə və çənlərə qədər olan məsafə cəmi 1000 metrdir. Əgər yanğın bu əraziyə yayılsaydı, partlayışın miqyası daha fəlakətli ola bilərdi.

 

 

Şahin Elxanoğlu