Contact Us

SON XƏBƏRLƏR

Tramp İran neftini alan ölkələrə xəbərdarlıq etdi

2025.05.02, 11:26
Tramp İran neftini alan ölkələrə xəbərdarlıq etdi

Amerika prezidenti Donald Tramp İran neftini alan ölkələrə sərt xəbərdarlıq edib.

Gunaz.tv

GünazTV Musavat.com-a istinadla xəbər verir ki, o, özünə məxsus Truth Social hesabından İran neftinin bütün alışlarını dərhal dayandırmağa çağıraraq, buna əməl etməyən ölkələri ikinci dərəcəli sanksiyalarla hədələyib: "XƏBƏRDARLIQ: İran neftinin və ya neft-kimya məhsullarının bütün alışları DƏRHAL dayandırılmalıdır! İrandan HƏR HANSI NEFT və ya NEFT-KİMYA MƏHSULLARI alan istənilən ölkə və ya fiziki şəxs dərhal ikinci dərəcəli sanksiyalara məruz qalacaq. Onların heç bir şəkildə Amerika Birləşmiş Ştatları ilə iş aparmasına icazə verilməyəcək”.

Qeyd edək ki, ötən bazar günü Yəmən husiləri Amerikaya məxsus "USS Harry S. Truman" gəmisind dronla hücum edib. Hücumdan yayınmaq üçün kəskin manevr edən gəminin göyərtəsindəki F/A-18E döyüş təyyarəsi Qırmızı dənizə düşüb. Bir nəfər yaralanıb. Husilər dəyəri 60 milyon dollar olan qırıcı təyyarəni vurduqlarını iddia edirlər. CNN isə təyyarənin vurulmadığı, dənizə düşdüyünə dair məlumat yayıb.

Bu hadisədən sonra Pentaqonun rəhbəri Pik Heqset də İrana sərt xəbərdarlıq edərək, ABŞ-dan cavab zərbəsini gözləməsini məsləhət görüb.

Ardınca mayın 3-də Omanda baş tutması gözlənilən Amerika-İran, həmçinin mayın 2-nə planlaşdırılan Böyük Britaniya, Fransa, Almaniya –İran danışıqları heç bir səbəb açıqlanmadan təxirə salınıb.

 

 

Ş.E

Açar Sözlər :

SEÇİLMİŞ XƏBƏRLƏR

Çox oxunanlar