Contact Us

SON XƏBƏRLƏR

İsrailin planlaşdırdığı “Gideonun arabaları” əməliyyatına HƏMAS necə reaksiya verdi?

2025.05.06, 13:00
İsrailin planlaşdırdığı “Gideonun arabaları” əməliyyatına HƏMAS necə reaksiya verdi?

İsrail Qəzza zolağının əhəmiyyətli hissələrini nəzarətə götürmək, HƏMAS-ı məğlub etmək və bütün girovların azad edilməsini təmin etmək məqsədi daşıyan böyük hərbi hücum olan “Gideonun arabaları”  əməliyyatına başladığını elan edib.

Gunaz.tv

İsrail Silahlı Qüvvələrinin sözçüsü Effi Defrin bazar ertəsi xalqa müraciət edərək əməliyyatın məqsədlərini açıqlayıb. “Dəmir Qılınc əməliyyatı bir çox uğura imza atdı, lakin HƏMAS hələ də mövcudluğunu saxlayır”, - Defrin bildirib.

İsrail Silahlı Qüvvələrinin Baş Qərargah rəisi tərəfindən tərtib edilmiş, Müdafiə Naziri və Baş Nazir tərəfindən təsdiq edilmiş planda diqqət yetirilir:

1. HƏMAS-ı ram etmək, onun hərbi imkanlarını sıradan çıxartmaq,

2. Bütün girovları azad edilməsinə nail olmaq, 

3. “Rəfah modeli”nin Qəzzanın digər bölgələrində tətbiq etmək.

HƏMAS İsrailin “Gideonun arabaları” əməliyyatına reaksiya verdi. Dünən HƏMAS-ın lideri Basem Naim bəyan etdi: “Xalqımıza qarşı sionist müharibəsi fonunda danışıqların və ya yeni təkliflərin müzakirəsinin mənası yoxdur”. HƏMAS terror qruplaşması iddia edir ki, İsrail hərbi işğal yolu ilə təzyiq edərək girovların azad edilməsinə nail ola bilməyəcək.

İsrail Silahlı Qüvvələrinin sözçüsü Effi Defrin HƏMAS-ın cavabına münasibət bildirdi: "HƏMAS bizim qətiyyətimizi səhv qiymətləndirdi. Qəzza zolağını aclıqdan öldürən və talayan Həmasdır".

Effi Defrin, səfərbərliyin çətinliklərinə baxmayaraq, ultra-pravoslav icmaları da daxil olmaqla kifayət qədər qüvvələr toplandığını və İsrail Silahlı Qüvvələrinin “Gideonun arabaları” əməliyyatına tam hazır olduğunu bildirdi.

 

 

Şahin Elxanoğlu

Açar Sözlər :

SEÇİLMİŞ XƏBƏRLƏR

Çox oxunanlar