Contact Us

SON XƏBƏRLƏR

Amerika və İran nüvə proqramı üzrə çərçivə sazişi razılaşdırmağa çalışırlar

2025.05.24, 10:19
Amerika və İran nüvə proqramı üzrə çərçivə sazişi razılaşdırmağa çalışırlar

Vaşinqton və Tehran nüvə sövdələşməsinə gedən yolda aralıq mərhələ olacaq çərçivə sazişini razılaşdırmağa çalışırlar.

Gunaz.tv

GünazTV xəbər verir ki, bu barədə “The Wall Street Journal” qəzeti mənbələrə istinadən bildirib.

İran hesab edir ki, belə bir saziş “yeni sövdələşməyə doğru bir addım” olacaq və ona mülki nüvə proqramı hüququnun təsdiqlənməsini və nüvə silahı yaratmağa çalışmamaq öhdəliyini daxil etməyi təklif edir. Bundan başqa, razılaşma İranın nüvə obyektlərində ciddi yoxlamaların keçirilməsi tələbini də ehtiva edə bilər. Vaşinqton isə aralıq sazişdə texniki qrupların gələcəkdə üzərində işləyəcəyi konkret hədəfləri sadalamaq istəyir. Amerika həmçinin çərçivə sazişinin “daha çox təlimat xarakteri daşıyacağına” ümid edir.

Nəşr qeyd edib ki, çərçivə sazişi üzərində işdə əsas mübahisəli məsələ İranın uran zənginləşdirmək hüququ olaraq qalır. Amerika Tehrandan bu fəaliyyətdən tamamilə imtina etməsini tələb edir, lakin İran hakimiyyəti bu tələbi rədd edir və ölkələrinin nüvə proqramının yalnız sülh xarakteri daşıdığını bildirir.

Bununla belə, cümə günü danışıqlardan sonra İranın nümayəndə heyətinin rəhbəri Abbas Əraqçi bildirib ki, danışıqların 5-ci raundu indiyədək keçirilən “ən peşəkar iclas” olub və müzakirələrdə vasitəçilik edən Oman xarici işlər naziri iki tərəfin paytaxta geri götürə biləcəyi təkliflər hazırlayıb.

Xatırladaq ki, Amerika rəsmiləri deyirlər ki, İran nüvə bombası hazırlamaq qərarına gəlsələr, bunu sadəcə bir neçə ay ərzində edə bilərlər. Tramp bildirib ki, razılaşma Amerikanın Tehranla əhəmiyyətli ticarətinə və İran iqtisadiyyatını çökdürən sanksiyaların ləğvinə yol aça bilər.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar