Contact Us

SON XƏBƏRLƏR

Rus ordusuna İrandan yeni döyüşçülər gələ bilər

2025.05.31, 09:13
Rus ordusuna İrandan yeni döyüşçülər gələ bilər

GünazTV xəbər verir ki, Rus ordusuna Çin, İran, Kenya və digər ölkələrdən yeni döyüşçülər gəlir.

Gunaz.tv

Qeyd edilir ki, onlar Toretsk uğrunda döyüşlərə hazırlaşırlar. 

Sosial şəbəkələrdə yayılan məlumata görə, rus ordusu Toretsk uğrunda döyüşlər üçün Çin, İran, Kenya və digər ölkələrdən əsgər heyəti ilə gücləndirilib. 

Xarici media orqanlarının hesabatları göstərir ki, İranın köməyi ilə Rusiya pilotsuz uçuş aparatlarının istehsalını artırıb. Vaşinqtonda yerləşən tədqiqat institutunun yeni hesabatına görə, İran öz yerli dron istehsalı ilə Rusiyaya geniş şəkildə kömək edir.

Sızdırılan məxfi məlumatlar göstərir ki, İran şirkəti "Sahara Thunder" Rusiyanın "Alabuga" şirkəti İranın "Şahed-136" dronunun Rusiya istehsalı variantı olan "Geran-2" dron istehsalı üçün texnologiya təqdim edib. ABŞ Xəzinədarlıq Departamentinin 25 aprel 2024-cü il tarixli sanksiya elanına əsasən, "Sahara Thunder" İranın Müdafiə və Silahlı Qüvvələrin Logistika Nazirliyinə tabedir və İran ordusunun dron satışında mühüm rol oynayır.

2025-ci ildə Rusiyanın Ukraynaya hər gecə orta hesabla 100 Şahed tipli pilotsuz təyyarə ilə hücumları artıq adi hala çevrilib. Mayın 25-dən 26-na keçən gecə Moskva Ukrayna şəhərlərinə qarşı müharibənin ən böyük pilotsuz təyyarəsi və raket hücumlarından birini həyata keçirib.  Ukrayna rəsmilərinə görə, 355 Şahed tipli pilotsuz uçuş aparatı ilə hücuma keçilib.

Müdafiə Kəşfiyyat Agentliyinin son "Ümumdünya Təhdidlərinin Qiymətləndirilməsi" adlı hesabatı göstərir ki, Rusiya İran, Şimali Koreya və Çin ilə kosmik və nüvə raketlərində tətbiq oluna bilən texnologiya, təcrübə və materialların paylaşılmasını genişləndirir.

 

 

Şahin Elxanoğlu

Açar Sözlər :

OXŞAR XƏBƏLƏR

SEÇİLMİŞ XƏBƏRLƏR

Çox oxunanlar