Contact Us

SON XƏBƏRLƏR

The Economist: Əli Xameneinin gücü kəskin şəkildə azalıb

2025.07.31, 11:12
The Economist: Əli Xameneinin gücü kəskin şəkildə azalıb

Əlamətlər Əli Xameneinin gücünün kəskin şəkildə azaldığını və ölkənin varislik problemini həlledici məsələyə çevirən siyasi qeyri-müəyyənlik dövrünə qədəm qoyduğunu göstərir.

Gunaz.tv

Bunu “The Economist” jurnalı yazıb.

İrannın 86 yaşlı lideri indi nadir hallarda ictimaiyyət qarşısına çıxır və vaxtilə uzun və təfərrüatlı olan xütbələri indi qısa, ümumi bəyanatlara çevrilib. Fəal çıxışların azalması və artan daxili böhranlar İran daxilində və xaricində olan müşahidəçiləri onun davamlı liderliyi və varislik ssenariləri haqqında spekulyasiya etməyə vadar edib.

“The Economist” yazır ki, Xamenei xalqın narazılığını azaltmaq və diqqəti siyasi tələblərdən yayındırmaq üçün millətçilik adı altında sistemin dini strukturunu yenidən qurmağa çalışır. Məsələn, bu ilin iyul ayında keçirilən Aşura mərasimi zamanı rəsmi səsgücləndiricilər vasitəsilə dualar oxunmaq əvəzinə “Ey İran” himni səsləndirilib.

Digər tərəfdən, “Eşq adası”nın İran versiyası kimi serialların yayımına razılıq verməklə və paytaxtın bəzi bölgələrində məcburi hicab qaydalarını zəiflətməklə, rejim sosial tolerantlıq görüntüsü təqdim etməyə çalışır, reallıqda isə bu siyasətlər xalqın hakimiyyət strukturunda dəyişiklik üçün əsas tələblərini azaltmaq vasitəsidir. Eyni zamanda isə siyasi repressiyalar davam edir, edamların sayı artıb və siyasi məhbuslara vəd edilən amnistiyalar gerçəkləşməyib.

“Economist” İnqilab Keşikçilərinin artan nüfuzuna toxunaraq yazır ki, İsrailin hücumları zamanı Əli Xamenei əsas vəzifələri hərbi komandirlərə təhvil verib və bu, ölkənin hərbi diktaturaya çevrilməsinə şərait yaradıb. Lakin SEPAH həm də daxili korrupsiya, struktur boşluqları və İsrail kəşfiyyatının nüfuzu kimi problemlərlə üzləşir.

Bu arada, hazırkı prezident Məsud Pezeşkian kimi şəxslər müxalifətlə əlaqə saxlamağa və mühacirətdə olanları geri qaytarmağa çalışırlar. İki keçmiş prezident Mahmud Əhmədinejad və Həsən Ruhani də siyasi səhnəyə qayıtmaq istəyirlər. "The Economist" qeyd edir ki, Ruhani ölkəyə rəhbərlik etmək niyyətində ola bilər, Əli Laricani isə sanki prezident səlahiyyətlərini icra edir və bu yaxınlarda Moskvaya səfəri zamanı Putinlə görüşüb.

İyulun 11-də keçmiş baş nazir Mirhüseyn Musəvi yüzlərlə ziyalının dəstəklədiyi yeni konstitusiyaya çağırışla çıxış edib. Lakin ölkənin gənclərinin çoxu ölkənin keçmiş və indiki simalarından heç birinin, hətta yaşlı müxalifətin də iştirak etmədiyi əsaslı dəyişikliklərin olmasını istəyir.

 

C

Açar Sözlər :

SEÇİLMİŞ XƏBƏRLƏR

Çox oxunanlar